ပြည်ထောင်စုသမ္မတမြန်မာနိုင်ငံတော်အစိုးရ
တိုင်းရင်းသားလူမျိုးများရေးရာဝန်ကြီးဌာန
တိုင်းရင်းသားလူမျိုးများရေးရာဝန်ကြီးဌာန
၁၃၈၅ ခုနှစ် မြန်မာနှစ်ဆန်း (၁) ရက်နေ့ အန္တရာယ်ကင်း ပရိတ်တရားတော် နာယူခြင်းအခမ်းအနားကို ယနေ့ မွန်းလွဲ (၃:၀၀) နာရီတွင် နေပြည်တော်ရှိ တိုင်းရင်းသားလူမျိုးများရေးရာဝန်ကြီးဌာန၊ အစည်းအဝေးခန်းမ၌ ကျင်းပရာ တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်၊ ဇနီးနှင့်မိသားစု၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်နှင့် အရာထမ်း၊ အမှုထမ်းများ တက်ရောက်ခဲ့ကြပါသည်။ အခမ်းအနားသို့ အေးမြရွှေပြည် ကျောင်းတိုက်မှ ဆရာတော်၊ သံဃာတော်များ ကြွရောက် ချီးမြှင့်တော်မူကြပြီး ဦးစွာ နမောတဿ (၃) ကြိမ်ရွတ်ဆို၍ အခမ်းအနားကို ဖွင့်လှစ်ခဲ့ကာ အေးမြရွှေပြည်ကျောင်းတိုက် ဆရာတော် ဦးမဉ္ဇူသကထံမှ ငါးပါးသီလ ခံယူပြီး ဆရာတော်၊ သံဃာတော်များက အန္တရာယ်ကင်း ပရိတ်တရားတော်များနှင့် အနန္တရာယိက ကမ္မဝါစာများကို ရွတ်ပွားသရဇ္စျယ်တော်မူကြရာ ဒုတိယဝန်ကြီး၊ ဇနီးနှင့် မိသားစု နှင့် ဧည့်ပရိတ်သတ်များက နာယူကြည်ညိုကြပါသည်။ ထို့နောက် ဒုတိယဝန်ကြီး ဦးဇော်အေးမောင်၊ ဇနီးနှင့်မိသားစု နှင့် တာဝန်ရှိသူများက ဆရာတော်၊ သံဃာတော်များအား နဝကမ္မအလှူငွေနှင့် လှူဖွယ်ဝတ္ထုအစုစုတို့ကို ဆက်ကပ်လှူဒါန်းကြပြီး ကောင်းမှုကုသိုလ်များအတွက် ရေစက်သွန်းချ အမျှပေးဝေခြင်း နှင့် သာဓုအနုမောဒနာခေါ်ဆိုကာ အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်သည် ယနေ့မွန်းလွဲပိုင်းတွင် ပျဉ်းမနား - တောင်ညိုလမ်း၌ ကျင်းပမည့် နေပြည်တော်လမ်းလျှောက်သင်္ကြန်ပွဲတွင်ပါဝင်မည့် တိုင်းရင်းသားလူမျိုးများရေးရာဝန်ကြီးဌာနမဏ္ဍပ်နှင့် တိုင်းရင်းသားသင်္ကြန်ဖျော်ဖြေရေးဆောင်ရွက်မည့် နေရာများကိုသွားရောက်ကြည့်ရှုစစ်ဆေးရာ ညွှန်ကြားရေးမှူးချုပ်များကကြိုဆိုပြီး လမ်းလျှောက်သင်္ကြန်ရေပက်ကစားမည့်အစီအစဉ်များနှင့် ဖျော်ဖြေရေးဆောင်ရွက်မည့် အစီအစဉ်များတို့ကို ရှင်းလင်းပြသခဲ့ကြကြောင်း သတင်းရရှိပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်သည် ဧပြီလ(၈)ရက်နေ့ (၁၅:၀၀)နာရီ အချိန်တွင် ရန်ကုန်တိုင်းဒေသကြီး သာကေတမြို့နယ် ပြည်ထောင်စုတိုင်းရင်းသားကျေးရွာ(ရန်ကုန်)၌ တည်ဆောက်ထားရှိသည့် ဆိပ်ခံဗောတံတား ရာနှုန်းပြည့် ပြီးစီးမှု အခြေအနေများကို သွားရောက်စစ်ဆေးခဲ့ရာ တာဝန်ရှိသူများက လိုက်လံရှင်းလင်းပြသကြပြီး ဒုတိယဝန်ကြီးက လိုအပ်သည်များကို လမ်းညွှန်မှုပြုခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်
(၂၀၀၈)ခုနှစ် ဖွဲ့စည်းပုံအခြေခံဥပဒေပါ တိုင်းရင်းသားအခွင့်အရေးဆိုင်ရာဖိုရမ်ကို တနင်္သာရီတိုင်းဒေသကြီး အစိုးရအဖွဲ့၏ ရန်ပုံငွေဖြင့် တိုင်းရင်းသားရေးရာဝန်ကြီးမှ ကြီးမှူး၍ မြိတ်ခရိုင်ခရိုင်ငါးလုပ်ငန်းအဖွဲ့ချုပ်ရုံး အစည်း အဝေးခန်းမတွင် မတ်လ(၂၃)ရက်မှ (၂၅)ရက် အထိ ကျင်းပလျက်ရှိရာ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စု ဒုတိယဝန်ကြီး၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ အကြံပေးအဖွဲ့ဝင်များ၊ ပြည်နယ်နှင့် တိုင်းဒေသကြီး တိုင်းရင်းသားရေးရာဝန်ကြီးများမှ ဦးဆောင်ဆွေးနွေးလျက်ရှိကြသည်။ နိုင်ငံတော်အတွင်း မှီတင်းနေထိုင်ကြသည့် နိုင်ငံသားအချင်းချင်း စည်းလုံးညီညွတ်မှသာလျှင် နိုင်ငံတော် အေးချမ်းပြီး ဖွံ့ဖြိုးတိုးတက်မည်ဖြစ်ကြောင်း၊ နိုင်ငံသားတိုင်း နိုင်ငံသားအခွင့်အရေး တန်းတူညီမျှရှိကြောင်း(၂၀၀၈) ခုနှစ် ဖွဲ့စည်းပုံအခြေခံဥပဒေတွင် အတိအလင်းပြဌာန်းထားရှိပြီးဖြစ်သည့်အတွက် ဖွဲ့စည်းပုံအခြေခံဥပဒေနှင့်အညီ နိုင်ငံသားတိုင်း၏ တာဝန်နှင့် ဝတ္တရားများ၊ အခွင့်အရေးများကို သိရှိနားလည်အောင် လေ့လာကြဖို့ လိုအပ်ပြီး နိုင်ငံ သားအခွင့်အရေးများကို အပြည့်အဝရယူခံစား၍ နိုင်ငံတော်အေးချမ်းတည်ငြိမ်ဖွံ့ဖြိုးတိုးတက်ရေးအတွက်နိုင်ငံတော် အစိုးရနှင့်အတူ ပူးပေါင်းဆောင်ရွက်ရန်လိုအပ်ကြောင်း၊ ယနေ့ကျင်းပသည့် ဖွဲ့စည်းပုံအခြေခံဥပဒေပါ တိုင်းရင်းသား အခွင့်အရေးဆိုင်ရာဖိုရမ်သည် ဒုတိယအကြိမ်မြောက်ဖြစ်ပြီး ပထမအကြိမ်ကို ထားဝယ်မြို့တွင် ကျင်းပခဲ့သည်။ ဖွဲ့စည်းပုံအခြေခံဥပဒေပါ တိုင်းရင်းသားအခွင့်အရေးဆိုင်ရာဖိုရမ်ဖွင့်ပွဲကို ယနေ့ နံနက်(၉)နာရီက ကျင်းပ ခဲ့ရာ တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဝဏ္ဏကျော်ထင် ဦးဇော်အေးမောင် က ဖွဲ့စည်းပုံ အခြေခံဥပဒေပါ တိုင်းရင်းသားအခွင့်အရေးများ၊ မျိုးချစ်စိတ်၊ ပြည်ထောင်စုစိတ်ဓာတ် ထားရှိသင့်သည်များကို အသိ ပညာများ မျှဝေပေးသည့် ဆွေးနွေးပွဲဖိုရမ်ဖြစ်ကြောင်း အဖွင့်အမှာ စကားပြောကြားပြီး တနင်္သာရီတိုင်းဒေသကြီး တိုင်းရင်းသားရေးရာဝန်ကြီး စောမာတင်လူသာ က ဖိုရမ်ကျင်းပရသည့် ရည်ရွယ်ချက်များနှင့် ဆွေးနွေးပို့ချမည့် တိုင်းရင်းသားအခွင့်အရေးဆိုင်ရာများကို ရှင်းလင်းပြောကြားသည်။ ထို့နောက် မြိတ်ကတ်သလစ်ခရစ်ယာန်ကျောင်းသို့ တိုင်းရင်းသားအခွင့်အရေး ကာကွယ်စောင့်ရှောက်သည့် ဥပဒေ စာအုပ်၊ တိုင်းရင်းသားစာပေနှင့် ယဉ်ကျေးမှုအသင်း/အဖွဲ့များသို့ ထောက်ပံ့ငွေများ၊ ကချင်ရိုးရာ တိုင်းရင်း သားဝတ်စုံများကို တိုင်းရင်းသားလူမျိုးများရေးရာဝန်ကြီးဌာန ပြည်ထောင်စု ဒုတိယဝန်ကြီးနှင့် တာဝန်ရှိသူများမှ ထောက်ပံ့ပေးအပ်လှူဒါန်းရာ တနင်္သာရီတိုင်းဒေသကြီး တိုင်းရင်းသားရေးရာဝန်ကြီးနှင့် တာဝန်ရှိသူများက လက်ခံ ရယူခဲ့ပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြကာ ဖိုရမ်ကို စတင်ဆွေးနွေးခဲ့ကြသည်။ ဖွဲ့စည်းပုံအခြေခံဥပဒေပါ တိုင်းရင်းသားအခွင့်အရေးဆိုင်ရာ ဖိုရမ်တွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၏ အကြံပေးအဖွဲ့ဝင် ဒေါက်တာရင်ရင်နွယ် က တိုင်းရင်းသားလူမျိုးများ၏ ဖွံ့ဖြိုးတိုးတက်မှုနှင့်စပ်လျဉ်းနေ သည့် စိန်ခေါ်မှုများနှင့် အခွင့်အလှမ်းများ၊ တိုင်းရင်းသားလူမျိုးများ ဖွံ့ဖြိုးတိုးတက်ရန် အရေးကြီးဆုံးအချက် စသည့် ခေါင်းစဉ်ဖြင့် (၂၀၀၈)ခုနှစ် ဖွဲ့စည်းပုံအခြေခံဥပဒေပါ တိုင်းရင်းသားအခွင့်အရေးများ၊ ဒုတိယဝန်ကြီးက မြန်မာ့ပထဝီ နိုင်ငံရေး၊ ကမ္ဘာ့ပထဝီနိုင်ငံရေး၊ လက်ရှိကမ္ဘာ့အရေးအခြေအနေနှင့် ပြည်ထောင်စုစိတ်ဓာတ်အကြောင်းကို ဦးဆောင် ၍ စတင်ဆွေးနွေး ပို့ချခဲ့ကြသည်။ အဆိုပါ ဖိုရမ်သို့ မြိတ်ခရိုင်အတွင်းရှိ တိုင်းရင်းသားလူမျိုးများ၊ လူမှုရေးအသင်းအဖွဲ့များ၊ ဌာနဆိုင်ရာ တာဝန်ရှိသူများ၊ ဖိတ်ကြားထားသူများ တက်ရောက်ခဲ့ကြပြီး တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ အကြံပေးအဖွဲ့ဝင်များ၊ ပြည်နယ်နှင့်တိုင်းဒေသကြီး တိုင်းရင်း သားရေးရာဝန်ကြီးများမှ ဆက်လက်ဆွေးနွေးပိုချကြမည်ဖြစ်ပြီး အပြန်အလှန် မေးမြန်းခြင်း၊ ဖြေကြားခြင်းဖြင့် ဆွေးနွေးပွဲ ဖိုရမ်ကို ကျင်းပသွားမည်ဖြစ်ကြောင်း သိရသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး နှင့် ဒုတိယဝန်ကြီးတို့ထံမှ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနတွင် အသစ်ခန့်အပ် တာဝန် ပေးအပ်ခံရသည့် ဦးစီးအရာရှိများက လမ်းညွှန်ဩဝါဒခံယူခြင်းအခမ်းအနားကို မတ်လ ၁၀ ရက်နေ့ နံနက်ပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီးရုံး အစည်းအဝေးခန်းမ၌ပြုလုပ်ရာ အခမ်းအနားသို့ ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် ဌာနဆိုင်ရာတာဝန်ရှိသူများ တက်ရောက်ကြပါသည်။အခမ်းအနားတွင် အသစ်ခန့်အပ် တာဝန်ပေးအပ်ခံရသည့် ဦးစီးအရာရှိ (၁၀) ဦးက တစ်ဦးချင်း မိတ်ဆက်စကားပြောကြားကြပါသည်။ ရှေးဦးစွာ ပြည်ထောင်စုဝန်ကြီးက ဩဝါဒအမှာစကားပြောကြားရာတွင် တိုင်းရင်းသား အခွင့်အရေးများကာကွယ်စောင့်ရှောက်ရေးဦးစီးဌာန၊ ဌာနချုပ်၊ တိုင်းဒေသကြီး၊ ပြည်နယ် များတွင် အသစ်ခန့်အပ် တာဝန်ပေးအပ်ခံရသည့် ဦးစီးအရာရှိများသည် မိမိဆောင်ရွက်ရမည့် တာဝန်ဝတ္တရားများကို ကျေပွန်အောင် ထမ်းဆောင်ရမည်ဖြစ်ပါကြောင်း၊ တာဝန်ထမ်းဆောင်မည့် ဒေသများမှ တိုင်းဒေသကြီး/ ပြည်နယ် တိုင်းရင်းသားရေးရာဝန်ကြီးများ၊ ဌာနဆိုင်ရာ တာဝန်ခံများ၏ ညွှန်ကြားချက်များကို လိုက်နာအကောင်အထည်ဖော် ဖြည့်ဆည်းဆောင်ရွက်ကြရမည် ဖြစ်ပါကြောင်း၊ မိမိတို့ဝန်ကြီးဌာနမှ ဝန်ထမ်းများသည် တိုင်းရင်းသား ပြည်သူလူထုနှင့် ပေါင်းကူးဆောင်ရွက်ပေးရသော ဌာနဖြစ်ပါကြောင်း၊ မိမိတို့ဝန်ကြီးဌာန၊ ဦးစီးဌာနတို့၏ ဂုဏ်သိက္ခာကို မညှိုးနွမ်းအောင် နေထိုင်ကြရမည်ဖြစ်ပါကြောင်း၊ မိမိတို့ဝန်ကြီးဌာန၏ မူဝါဒ၊ ရည်မှန်းချက်၊ မျှော်မှန်းချက်၊ ရည်ရွယ်ချက်၊ တာဝန်နှင့် လုပ်ပိုင်ခွင့်ကို သိရှိရမည်ဖြစ်ပါကြောင်း၊ တိုင်းရင်းသားလူမျိုးတစ်ရပ်လုံးအတွက် နိုင်ငံအကျိုးပြု စည်းရုံးရေးမှူးကောင်းများဖြစ်အောင် ကြိုးစားကြရမည်ဖြစ်ပါကြောင်း၊ ဦးစီးရာထူးအဆင့်နှင့်လျော်ညီစွာ တာဝန်ထမ်းဆောင်ကြရန်၊ မလိုလားအပ်သည့် အုပ်ချုပ်မှု၊ ထူးခြားဖြစ်စဉ်များမဖြစ်ပွားအောင် တာဝန်ထမ်းဆောင်ကြရန် လိုအပ်ပါကြောင်း၊ အချိန်နှင့်တပြေးညီတင်ပြကြရန်၊ မိမိတို့သင်ကြားဆည်းပူး လေ့လာထားရှိခဲ့ကြ သည့်ပညာရပ်များကို လက်တွေ့နယ်ပယ် တာဝန်ထမ်းဆောင်ကြရာတွင် အသုံးချသွားရန်နှင့် ဆက်လက်လေ့လာသွားကြရန် မှာကြားလိုပါကြောင်း၊ ဦးစီးအရာရှိများအနေဖြင့် မိမိအထက် အရာရှိမှ ပေးအပ်လာသော လုပ်ငန်းတာဝန်ဝတ္တရားများကိုဖြစ်စေ၊ နိုင်ငံတော်၏ဥပဒေ၊ နည်းဥပဒေများနှင့်အညီ ပေးအပ်လာသော လုပ်ငန်းတာဝန်များကိုဖြစ်စေ၊ မိမိအထက် အကြီးအကဲ၏ ကွပ်ကဲမှုအနည်းဆုံးဖြင့် အချိန်နှင့်တပြေးညီ အချိန်မီပြီးစီးအောင်တာဝန်ကို ထမ်းဆောင်၊ ဆောင်ရွက်ရမည်ဖြစ်ပါကြောင်း၊ ကျန်းမာရေးကိုလည်း အထူးဂရုစိုက်နေထိုင် ကြရန်မှာကြားလိုပါကြောင်း၊ မိမိဌာန၊ ဒေသအတွင်းရှိ တိုင်းရင်းသားပြည်သူများနှင့် နိုင်ငံတော် ငြိမ်းချမ်းရေးနှင့် သာယာဝပြောတိုးတက်ရေးအတွက် ရှေ့ရှုပြီး ကိုယ်စွမ်းဉာဏ်စွမ်းရှိသရွေ့ အစွမ်းကုန် လုပ်ငန်းတာဝန်များကို ထမ်းဆောင်သွားနိုင်ကြရန် မှာကြားပါသည်။ဆက်လက်၍ ဒုတိယဝန်ကြီးက ဩဝါဒအမှာစကားပြောကြားရာတွင် ဦးစီးအရာရှိများအား တိုင်းရင်းသားလူမျိုးများရေးရာဝန်ကြီးဌာနမှ ကြိုဆိုပါကြောင်း၊ ပြည်ထောင်စုရာထူးဝန်စာမေးပွဲကို ဖြေဆိုအောင်မြင်ခဲ့သည့်အတွက် ဂုဏ်ယူဝမ်းမြောက်ပါကြောင်း၊ တာဝန်ထမ်းဆောင်ရာတွင် ပါတီနိုင်ငံရေးကင်းရှင်းပြီး နိုင်ငံဝန်ထမ်းဥပဒေ၊ နည်းဥပဒေ၊ စည်းမျဉ်း စည်းကမ်းများနှင့် နိုင်ငံ့ ဝန်ထမ်းသစ္စာအဓိဋ္ဌာန် (၆)ချက်ကို လိုက်နာကြရမည်ဖြစ်ပါကြောင်း၊ မိမိတို့ရာထူးနှင့် လျော်ညီသည့် အရည်အသွေးပြည့်ဝနေစေရန် အမြဲကြိုးစား အားထုတ်နေရမည်ဖြစ်ပါကြောင်း၊ ဝန်ထမ်းများ သည် မိမိတို့ဌာနကို တန်ဖိုးထားရမည်ဖြစ်ပါကြောင်း၊ တိုင်းရင်းသားလူမျိုးများရေးရာဝန်ကြီးဌာန သည် အရေးကြီးသော ဌာနတစ်ခုဖြစ်ပါကြောင်း၊ မိမိတို့အလုပ်ပေါ်တွင် ရိုးသားကြိုးစားကြရန်နှင့် နိုင်ငံတော်အတွက် အကောင်းဆုံး ကြိုးစားလုပ်ဆောင်သွားကြရန် ပြောကြားပါသည်။ယင်းနောက် အသစ်ခန့်အပ် တာဝန်ပေးအပ်ခံရသည့် ဦးစီးအရာရှိများမှ မိမိတို့၏ လိုအပ်ချက်များကို တင်ပြကြရာ ပြည်ထောင်စုဝန်ကြီးမှ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရှိရပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်သည် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဒုတိယညွှန်ကြားရေးမှူးချုပ်နှင့် တာဝန်ရှိသူများလိုက်ပါလျက် မတ်လ(၈)ရက်နေ့ နံနက်ပိုင်းတွင် ရှမ်းပြည်နယ်၊ တောင်ကြီး မြို့နယ်၊ အေးသာယာမြို့တွင် တည်ဆောက်လျက်ရှိသည့် တိုင်းရင်းသားလူမျိုးများရေးရာဝန်ကြီးဌာန၊ ရှမ်းပြည်နယ်တိုင်းရင်းသားရေးရာနှင့် သက်မွေးပညာသင်တန်းစင်တာ အဆောက်အဦတည်ဆောက်ပြီးစီးမှု အခြေနေများကို သွားရောက်ကြည့်ရှုစစ်ဆေးခဲ့ပါသည်။ ပထမဦးစွာ မြေညီထပ် ရှင်းလင်းဆောင်တွင် အဆောက်အဦကို တာဝန်ယူတည်ဆောက်နေသည့် မိုးယံဝင့်ချီကုမ္ပဏီလီမိတက်မှ တာဝန်ရှိသူတစ်ဦးက လုပ်ငန်းဆောင်ရွက် ပြီးစီးမှုအခြေအနေများနှင့်ပတ်သက်ပြီး ရှင်းလင်းတင်ပြခဲ့ပါသည်။ ရှင်းလင်းတင်ပြချက်များအပေါ် ဒုတိယဝန်ကြီးက သတ်မှတ်ကာလအတွင်း စံချိန် စံညွှန်းနှင့်အညီတည်ဆောက်သွားရန်၊ အောက်ထပ်ဘယ်/ညာပြတင်းပေါက်(၄)ပေါက် သံပန်း တပ်ဆင်ရန်၊ အောက်ထပ်ဘယ်ထိပ် ညာထိပ် exhaust fan တပ်ဆင်ရန်၊ အိမ်သာ (၂၂) ခန်း exhaust fan တပ်ဆင်ရန်နှင့် အရည်အသွေးပြည့်မှီအောင် တည်ဆောက်သွားရန် လမ်းညွှန်မှာကြားခဲ့ပါသည်။ ၎င်းနောက် ဒုတိယဝန်ကြီးနှင့်အဖွဲ့သည် အဆောက်အဦတည်ဆောက်ပြီးစီးမှုအခြေအနေများကို လိုက်လံကြည့်ရှုစစ်ဆေးခဲ့ပြီး တာဝန်ရှိသူများက ရှင်းလင်း တင်ပြရာ ဒုတိယဝန်ကြီးက လိုအပ်သည်များကို လမ်းညွှန်မှာကြားခဲ့ပါသည်။ မတ်လ (၉) ရက်နေ့ နေ့လယ်ပိုင်းတွင် ဒုတိယဝန်ကြီးနှင့် အဖွဲ့ဝင်များသည် တိုင်းရင်းသားလူမျိုးများရေးရာဝန်ကြီးဌာန၊ ရှမ်းပြည်နယ်ညွှန်ကြားရေးမှူးရုံးတွင် တာဝန်ထမ်းဆောင်နေသောဝန်ထမ်းများအား တွေ့ဆုံလမ်းညွှန်အမှာစကား ပြောကြားခဲ့ပါသည်။ ပထမဦးစွာ ဒုတိယဝန်ကြီး ဦးဇော်အေးမောင်က တွေ့ဆုံလမ်းညွှန်အမှာစကား ပြောကြားရာတွင် ဝန်ထမ်းများအနေဖြင့် နိုင်ငံ့ဝန်ထမ်းသစ္စာအဓိဋ္ဌာန်(၆)ချက်နှင့်အညီ ကျင့်ကြံဆောင်ရွက်သွားရန်၊ နိုင်ငံတော်၏ ဦးတည်ချက်၊ ရှေ့လုပ်ငန်းစဉ်များအား အောင်မြင်စွာအကောင် အထည်ဖော်နိုင်ရေးအတွက် ကြိုးစားအားထုတ်ဆောင်ရွက်သွားရန်၊ ဝန်ထမ်းအချင်းချင်း စည်းလုံးညီညွှတ်စွာနေထိုင်သွားရန်နှင့် ဝန်ထမ်းဥပဒေ၊ နည်းဥပဒေ များပါ လိုက်နာရမည့်အချက်များ၊ ရှောင်ကြဉ်ရမည့်အချက်များနှင့်အညီ အပြစ်မရှိစေရေး ကျင့်ကြံနေထိုင်သွားရမည်ဖြစ်ပါကြောင်း၊ ရုံးအုပ်ချုပ်မှုဆိုင်ရာကိစ္စရပ်များနှင့် ငွေစာရင်း ဆိုင်ရာကိစ္စများအား စနစ်တကျကြပ်မတ်ဆောင်ရွက်သွားရန်၊ ရုံးအဆောက်အအုံ လုံခြုံမှု ရှိစေရေး၊ ရုံးလုပ်ငန်း လျှို့ဝှက်ချက် မပေါက်ကြားစေရေးနှင့် မီးဘေးလုံခြုံရေးတို့ကို အထူးဂရုစိုက်ရန် မှာကြားလိုပါကြောင်း ပြောကြားခဲ့ပါသည်။ ထို့နောက် ဝန်ထမ်းများက အထွေထွေဆွေးနွေးတင်ပြကြပြီး တင်ပြချက်များအပေါ် ဒုတိယဝန်ကြီးက ပေါင်းစပ်ဖြည့်ဆည်းဆောင်ရွက်ပေးခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်
၂၀၂၃ ခုနှစ် သာသနာတော်ဆိုင်ရာဘွဲ့တံဆိပ်တော် ဆက်ကပ်ပူဇော်ခံတော်မူကြသည့် ပြည်တွင်း၊ ပြည်ပဆရာတော်များနှင့်သီလရှင်များအား ဆွမ်းဆန်စိမ်းလောင်းလှူပွဲကို နေပြည်တော် ဥပ္ပါတသန္တိစေတီတော်ပရိဝုဏ်၌ ၅-၃-၂၀၂၃ ရက် တပေါင်းလပြည့်နေ့ မွန်းလွဲပိုင်းတွင် ကျင်းပရာ တိုင်းရင်းသားလူမျိုးများရေးရာဝန်ကြီးဌာနမိသားစု မဏ္ဍပ်၌ ပြည်ထောင်စုဝန်ကြီးကိုယ်စား ဒုတိယဝန်ကြီး ဦးဇော်အေးမောင်ဦးဆောင်၍ ဝန်ထမ်းများက နဝကမ္မအလှူငွေများနှင့် လှူဖွယ်ပစ္စည်းများကို ဆက်ကပ်လောင်းလှူခဲ့ကြပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်သည် ဖေဖော်ဝါရီလ(၂၇)ရက် ညနေပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ ရခိုင်ပြည်နယ် ညွှန်ကြားရေးမှူးရုံးရှိ ဝန်ထမ်းများနှင့်တွေ့ဆုံအမှာစကားပြောကြားခဲ့ပါသည်။ပထမဦးစွာ ဒုတိယဝန်ကြီးဦးဇော်အေးမောင် က တွေ့ဆုံလမ်းညွှန်အမှာစကားပြောကြားရာတွင် ဝန်ထမ်းများအနေဖြင့် နိုင်ငံ့ဝန်ထမ်း သစ္စာအဓိဌာန် (၆)ချက်နှင့်အညီ ကျင့်ကြံဆောင်ရွက်သွားရန်၊ နိုင်ငံတော်၏ ဦးတည်ချက် ၊ ရှေ့လုပ်ငန်းစဉ်များအား အောင်မြင်စွာအကောင်အထည်ဖော်နိုင်ရေးအတွက် ကြိုးစားအားထုတ်ဆောင်ရွက်သွားရန်၊ ဝန်ထမ်း အချင်းချင်း စည်းလုံးညီညွှတ်စွာ နေထိုင်သွားရန်နှင့် ဝန်ထမ်းဥပဒေ၊ နည်းဥပဒေများပါ လိုက်နာရမည့် အချက်များ၊ ရှောင်ကျဉ်ရမည့်အချက်များနှင့်အညီ အပြစ်မရှိစေရေး ကျင့်ကြံနေထိုင်သွားရမည် ဖြစ် ကြောင်း၊ ရုံးအဆောက်အအုံလုံခြုံမှုရှိရေး၊ ရုံးလုပ်ငန်းများ လျှို့ဝှက်ချက်မပေါက်ကြားစေရေးနှင့် မီးဘေး လုံခြုံရေးတို့ကို အထူးဂရုစိုက်ရန်မှာကြားပါသည်။ထို့နောက် ဝန်ထမ်းများအား တစ်ဦးချင်းစီတင်ပြချက်များ အပေါ် လိုအပ်သည်များ လမ်းညွှန်မှာကြား ဖြည့်ဆည်းဆောင်ရွက်ပေးခဲ့ပါသည်။
ဆက်လက်ဖတ်ရှုပါရန်.jpg)
ပြည်ထောင်စုတိုင်းရင်းသားကျေးရွာ(ရန်ကုန်)ရှိတိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်သည် ရန်ကုန်တိုင်းဒေသကြီး၊ သာကေတမြို့နယ်ရှိ ပြည်ထောင်စုတိုင်းရင်းသားကျေးရွာ(ရန်ကုန်)တွင် တည်ဆောက်လျှက်ရှိသည့် ဆိပ်ခံဗောတံတားစီမံကိန်းလုပ်ငန်း ဆောင်ရွက်နေမှုအခြေအနေများကို ယနေ့ ဖေဖော်ဝါရီလ(၁၀)ရက်နေ့နေ့လည်(၁၄:၃၀)နာရီအချိန်၌ တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုတိုင်းရင်းသားကျေးရွာ(ရန်ကုန်)မှ ညွှန်ကြားရေးမှူးနှင့် တာဝန်ခံအရာရှိ (ဒုတိယညွှန်ကြားရေးမှူး)တို့ လိုက်ပါလျှက် သွားရောက်စစ်ဆေးခဲ့ရာ တင်ဒါအောင်မြင်သော တည်ဆောက်ရေးကုမ္ပဏီဖြစ်သည့် Rcgal Strength Co.,Ltd. တာဝန်ရှိသူ MD ဦးပြည့်စုံဖြိုးမှ ရှင်းလင်းတင်ပြခဲ့ရာ ဒုတိယဝန်ကြီး ဦးဇော်အေးမောင်က လုပ်ငန်းခွင်အတွင်း တည်ဆောက်ရေး လုပ်ငန်းများအား စံချိန်စံညွှန်းများနှင့်အညီ သတ်မှတ်အချိန်ကာလအတွင်း အပြီးဆောင်ရွက်သွားကြရန်နှင့် လုပ်ငန်းခွင်ဘေးအန္တရာယ်ကင်းရှင်းရေးအတွက် သတိပြုဆောင်ရွက်သွားကြရန်နှင့် လိုအပ်သည်များအား ပေါင်းစပ်ညှိနှိုင်းပေးခဲ့ပါသည်။တည်ဆောက်ရေးလုပ်ငန်းများမှာ လုပ်ငန်းပမာဏ (၇၇.၈၅%)ပြီးစီးဆောင်ရွက်ပြီးဖြစ်ကြောင်း သတင်းရရှိသည်။
ဆက်လက်ဖတ်ရှုပါရန်
ဒုတိယဝန်ကြီးအား (၇၅)နှစ်မြောက် စိန်ရတုလွတ်လပ်ရေးနေ့အခမ်းအနားတွင် ဂုဏ်ပြုယာဉ်အစီအစဉ်ဖြင့်ပါဝင်၍ ဆုရရှိခဲ့သည့် ဂုဏ်ပြုယာဉ်အထူးဆုဖလားနှင့် ဂုဏ်ပြု ဆုငွေကို ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်နှင့် ညွှန်ကြားရေးမှူးများမှ အပ်နှင်းပါသည်။ ထို့နောက် တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူး များနှင့် တာဝန်ရှိသူများသည် နေပြည်တော်ဥပ္ပါတသန္တိစေတီတော်အနီးရှိ တပေါင်းကွင်း၌ ပြသထားသော တိုင်းရင်းသားလူမျိုးများရေးရာဝန်ကြီးဌာနမှ (၇၅) နှစ်မြောက် စိန်ရတု လွတ်လပ်ရေးနေ့တွင်ပါဝင်ပြီး အထူးဆုရရှိခဲ့သည့် ဂုဏ်ပြုယာဉ်နှင့် စုပေါင်းမှတ်တမ်းတင် ဓါတ်ပုံရိုက်ကူးခဲ့ကြပါသည်။ ဆက်လက်၍ တိုင်းရင်းသားလူမျိုးများရေးရာဝန်ကြီးဌာနမှ တိုင်းရင်းသားရိုးရာ အကအဖွဲ့က (၇၅) နှစ်မြောက် စိန်ရတုလွတ်လပ်ရေးနေ့ အထိမ်းအမှတ်ပြခန်းရှေ့တွင် ဖျော်ဖြေတင်ဆက်ကြရာ ဒုတိယဝန်ကြီးနှင့် တာဝန်ရှိသူများက လာရောက်လေ့လာ ကြည့်ရှုကြသည့် ပြည်သူများနှင့်အတူ ပျော်ရွှင်စွာ ကြည့်ရှုအားပေးခဲ့ကြပါသည်။
ဆက်လက်ဖတ်ရှုပါရန်
(၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ် ဂုဏ်ထူးဆောင်ဘွဲ့များ ချီးမြှင့် အပ်နှင်းခြင်းအခမ်းအနားကို ၂၀၂၃ ခုနှစ် ဇန်နဝါရီလ ၂ ရက်နေ့တွင် နေပြည်တော်၌ ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာ သရေစည်သူ၊ သတိုးသီရိသုဓမ္မ မင်းအောင်လှိုင်နှင့် ဇနီး ဒေါ်ကြူကြူလှတို့ တက်ရောက် ချီးမြှင့်ပြီး တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးစောထွန်းအောင်မြင့်က သီရိပျံချီဘွဲ့ကိုလည်းကောင်း၊ ဒုတိယဝန်ကြီး ဦးဇော်အေးမောင်က ဝဏ္ဏကျော်ထင်ဘွဲ့ကိုလည်းကောင်း လက်ခံရယူခဲ့ကြပါသည်။ အေးချမ်းသာယာပြီး ခေတ်မီဖွံ့ဖြိုးတိုးတက်သည့် နိုင်ငံတော်တည်ဆောက်ရာတွင် လွတ်လပ်ရေးကြိုးပမ်းမှုကာလမှ ယနေ့အထိ အသက်ခန္ဓာနှင့်သွေးချွေးများကိုပေးဆပ်ပြီး ထူးကဲစွာဆောင်ရွက်ခဲ့ကြသည့်ပုဂ္ဂိုလ်များ၊ ဒို့တာဝန်အရေးသုံးပါးကို ကာကွယ်စောင့်ရှောက်ရာ တွင် သက်စွန့်ကြိုးပမ်း ထမ်းဆောင်ခဲ့ကြသည့်ပုဂ္ဂိုလ်များ၊ နိုင်ငံတော်၏စီးပွားရေး၊ လူမှုရေး၊ ပြည်သူ့ရေးရာစီမံခန့်ခွဲရေးကဏ္ဍများတွင် ထူးခြားထက်မြက်စွာ စွမ်းဆောင်နိုင်ခဲ့ကြသည့် ပုဂ္ဂိုလ်များ၊ နယ်ဘက်နှင့် စစ်ဘက်ဆိုင်ရာတို့တွင် တိုင်းကျိုးပြည်ကျိုးကို အများနှင့်မတူအောင် ထူးခြားစွာစွမ်းဆောင်နိုင်ခဲ့ကြသည့်ပုဂ္ဂိုလ်များ၊ နိုင်ငံနှင့်လူမျိုးအတွက် သိပ္ပံပညာ၊ ဝိဇ္ဇာပညာနှင့် အခြားသောပညာရပ်တစ်ခုခုတွင် ကမ္ဘာအဆင့်မီအောင်မြင်စွာ တီထွင်ဖန်တီးစွမ်းဆောင်နိုင် သည့်ပုဂ္ဂိုလ်များ၊ စာပေနှင့်အနုသုခုမပညာရပ်များတွင် ထူးခြားကောင်းမွန်စွာ တတ်မြောက်သူ ပုဂ္ဂိုလ်များ၊ နိုင်ငံတော်လုံခြုံရေး၊ ရပ်ရွာအေးချမ်းသာယာရေးနှင့် တရားဥပဒေစိုးမိုးရေးတို့တွင် မဆုတ်မနစ်သော ဇွဲ၊ လုံ့လ၊ ဝီရိယနှင့် ကြိုးပမ်းထမ်းဆောင်ခဲ့ကြသည့် ပုဂ္ဂိုလ်များအား စိန်ရတုလွတ်လပ်ရေးနေ့ အထိမ်းအမှတ်အဖြစ် ဂုဏ်ထူးဆောင်ဘွဲ့များကို ဂုဏ်ပြုချီးမြှင့် အပ်နှင်းခြင်းဖြစ်ကာ ၂၀၂၂ ခုနှစ်အတွင်း ချီးမြှင့်ခဲ့သည့် ဂုဏ်ထူးဆောင်ဘွဲ့ရရှိသူ (၇၄၄) ဦး အနက် အခမ်းအနားပထမနေ့တွင် အဂ္ဂမဟာသီရိသုဓမ္မဘွဲ့ရရှိသူ(၃)ဦး၊ သတိုးသီရိသုဓမ္မဘွဲ့ရရှိသူ (၁)ဦး၊ အဂ္ဂမဟာသရေစည်သူဘွဲ့ရရှိသူ (၄)ဦး၊ သတိုးမဟာသရေစည်သူဘွဲ့ရရှိသူ (၂)ဦး၊ မဟာသရေစည်သူဘွဲ့ရရှိသူ (၆)ဦး၊ သရေစည်သူဘွဲ့ရရှိသူ (၁၁)ဦး၊ စည်သူဘွဲ့ရရှိသူ (၇၈)ဦး၊ သီဟသူရဘွဲ့ရရှိသူ (၁) ဦး၊ သူရဘွဲ့ရရှိသူ(၄)ဦး၊ ဇေယျကျော်ထင်ဘွဲ့ရရှိသူ (၅၀)ဦး၊ ဝဏ္ဏ ကျော်ထင်ဘွဲ့ရရှိသူ (သံအမတ်ကြီးများ) (၂၈)ဦး၊ ဝဏ္ဏကျော်ထင်ဘွဲ့ရရှိသူ (အကြံပေးပုဂ္ဂိုလ်) (၈)ဦး၊ စုစုပေါင်း (၂၀၆)ဦးတို့ကိုလည်းကောင်း၊ အခမ်းအနားဒုတိယနေ့ နံနက်ပိုင်းတွင် စွမ်းဆောင်မှုဆိုင်ရာ ဂုဏ်ထူးဆောင်ဘွဲ့များဖြစ်ကြသည့် သီရိပျံချီဘွဲ့ရရှိသူ (၁၆၈) ဦးနှင့် ဝဏ္ဏ ကျော်ထင်ဘွဲ့ရရှိသူ (၂၁) ဦးတို့ကိုလည်းကောင်း၊ မွန်းလွဲပိုင်းတွင် ဝဏ္ဏကျော်ထင်ဘွဲ့ရရှိသူ (၁၃၂) ဦး၊ အလင်္ကာကျော်စွာဘွဲ့ရရှိသူ (၁၈) ဦးနှင့် သိပ္ပကျော်စွာဘွဲ့ရရှိသူ (၅) ဦး တို့ကိုလည်းကောင်း ဂုဏ်ထူးဆောင်ဘွဲ့များ တစ်ဦးချင်း လက်ရောက်ချီးမြှင့်အပ်နှင်းခဲ့ကြောင်းသိရှိရသည်။ယခင် တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးနိုင်သက်လွင်အား သီရိပျံချီဘွဲ့ကိုလည်းကောင်း၊ ယခင် တိုင်းရင်းသားလူမျိုးများရေးရာ ဝန်ကြီးဌာန၊ ဒုတိယဝန်ကြီး ဦးလှမော်ဦးအား ဝဏ္ဏကျော်ထင်ဘွဲ့ကိုလည်းကောင်း ချီးမြှင့် အပ်နှင်းခဲ့ကြောင်းလည်း သိရှိရ ပါသည်။
ဆက်လက်ဖတ်ရှုပါရန်
ရခိုင်ပြည်နယ် ဝန်ကြီးချုပ် ဒေါက်တာ‌အောင်ကျော်မင်းနှင့် အနောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်ထင်လတ်ဦးတို့သည် ၃၁-၁၂-၂၀၂၂ ရက်နေ့ မွန်းလွဲပိုင်းတွင် ၇၅ နှစ် မြောက်စိန်ရတုလွတ်လပ်ရေးနေ့အထိမ်းအမှတ် တိုင်းရင်းသားလူမျိုးများရေးရာဝန်ကြီးဌာနကိုယ်စားပြုပြခန်း ခင်းကျင်းနေမှုကို လာရောက်ကြည့်ရှုအားပေးရာ ဒုတိယဝန်ကြီး ဦးဇော်အေးမောင်က ကြိုဆိုရှင်းလင်းပြသခဲ့ပါသည်။ ဒုတိယဝန်ကြီးဦးဇော်အေးမောင်သည် ၇၅ နှစ်မြောက်စိန်ရတုလွတ်လပ်ရေးနေ့အထိမ်းအမှတ် ရခိုင်ပြည်နယ်မှ ဖျော်ဖြေရေးဆောင်ရွက်ကြမည့် ယဉ်ကျေးမှုကိုယ်စားလှယ်အဖွဲ့အားသွားရောက်တွေ့ဆုံခဲ့ပြီး ထောက်ပံ့ငွေများပေးအပ်ခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်သည် အမြဲတမ်းအတွင်းဝန်၊ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်နှင့် တာဝန်ရှိသူများနှင့်အတူ ၉-၁၂-၂၀၂၂ ရက်နေ့ မွန်းလွဲပိုင်းတွင် နေပြည်တော်ဥုပ္ပါတသန္တိစေတီ တပေါင်းကွင်းသို့သွားရောက်ပြီး ၇၅ နှစ် စိန်ရတုလွတ်လပ်ရေးနေ့အထိမ်းအမှတ် တိုင်းရင်းသားလူမျိုးများရေးရာဝန်ကြီးဌာနဂုဏ်ပြုယာဉ် တည်ဆောက်ဆင်ယင် ဆောင်ရွက်နေပြီးစီးမှု အခြေအနေကိုသွားရောက်စစ်ဆေးခဲ့ပြီး လိုအပ်သည်များ ပြင်ဆင်ဆောင်ရွက်ရန် လမ်းညွှန်မှုပြုခဲ့ကြောင်းသတင်းရရှိပါသည်။
ဆက်လက်ဖတ်ရှုပါရန်
၂၉-၁၁-၂၀၂၂ ရက်နေ့၊ နံနက်(၁ဝးဝဝ)နာရီ၌ လာအိုပြည်သူ့ဒီမိုကရက်တစ်သမ္မတနိုင်ငံ၊ Vientiane မြို့ရှိ Muong Thanh Hotel ၊ အစည်းအဝေးခန်းမတွင် မဲခေါင်-လန်ချန်းပူးပေါင်း ဆောင်ရွက်မှု အစီအစဉ်အရ ကျင်းပပြုလုပ်သည့် တိုင်းရင်းသားရေးရာယဉ်ကျေးမှုဆိုင်ရာ နှီးနှောဖလှယ်ပွဲကို ဆက်လက်ကျင်းပခဲ့ရာ ပြည်ထဲရေးဝန်ကြီးဌာန ဒုတိယဝန်ကြီး Mme.Livong Laoly က တက်ရောက်ခဲ့ပြီး အဖွင့်အမှာစကားပြောကြားရာတွင် လာအိုနိုင်ငံသို့ လာရောက်သည့်မြန်မာကိုယ်စားလှယ်အဖွဲ့ကို ဝမ်းမြောက်နွေးထွေးစွာကြိုဆိုပါကြောင်း၊ တိုင်းရင်းသားရေးရာ ယဉ်ကျေးမှုဖလှယ်ရေးအစီအစဉ်ကို မြန်မာနှင့်လာအိုတို့ ပထမဆုံးဆောင်ရွက်ကြခြင်းဖြစ်ပါကြောင်း၊ တိုင်းရင်းသားရေးရာကိစ္စသည် နိုင်ငံတော်အတွက်လည်း အရေးကြီးသည့်ကိစ္စဖြစ်ပါကြောင်း၊ ယခုလိုနှစ်နိုင်ငံတိုင်းရင်းသားရေးရာဆိုင်ရာ အတွေ့အကြုံများကို နှစ်ဖက်ဖလှယ်နိုင်၍ မဲခေါင်ဒေသအတွင်းချစ်ကြည်ရင်းနှီးနားလည်မှုများ တိုးပွားလာနိုင်မည်ဟုမျှော်လင့်ပါကြောင်းပြောကြားခဲ့ပါသည်။တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်က အဖွင့်အမှာစကားပြောကြားရာတွင် မြန်မာနိုင်ငံ၏ ဖွဲ့စည်းပုံအခြေခံဥပဒေ ၂၀၀၈ နိုင်ငံတော်၏အခြေခံမူတွင် တိုင်းရင်းသားများအရေးကို ထည့်သွင်းဖော်ပြထားပါကြောင်း၊ ထိုအခြေခံမူအရ တိုင်းရင်းသားလူမျိုးများ၏အခွင့်အရေးများကာကွယ်စောင့်ရှောက်သည့်ဥပဒေကို၂၀၁၅ ခုနှစ်တွင် ပြဋ္ဌာန်းခဲ့ပြီး ယင်းဥပဒေအရ တိုင်းရင်းသားလူမျိုးများရေးရာဝန်ကြီးဌာနကို ၂၀၁၆ခုနှစ်တွင့်ဖွဲ့စည်းခဲ့ပါကြောင်း၊ နည်းဥပဒေကို ၂၀၁၉ခုနှစ်တွင်ထုတ်ပြန်နိုင်ခဲ့ပါကြောင်း၊ မိမိတို့ဝန်ကြီးဌာနသည်သက်တမ်းအားဖြင့် ၆ နှစ်ခန့်သာရှိသေးသည့်အတွက် မူဝါဒနှင့်အတွေ့အကြုံများကို ဖလှယ်နိုင်ရေး ယခုကဲ့သို့ အစီအစဉ်ကို မဲခေါင်-လျန်ချန်းပူးပေါင်းဆောင်ရွက်ရေးအထူးရန်ပုံငွေ ၂၀၂၀ဖြင့် ဆောင်ရွက်ခြင်းဖြစ်ပါကြောင်း၊ နှစ်နိုင်ငံ၏ တူညီသောတိုင်းရင်းသားယဉ်ကျေးမှုများနှင့် ရေးရာကိစ္စများကို အမြင်ခြင်းဖလှယ်ပြီး နောင်အနာဂါတ်တွင်ပိုမိုပူးပေါင်းဆောင်ရွက်နိုင်ပြီး ရင်းနှီချစ်ကြည်သည့် ကွန်ယက်ကိုတည်ထောင်နိုင်ရန်မျှော်လင့်ပါကြောင်းပြောကြားခဲ့ပါသည်။၎င်းနောက် ဆွေးနွေးပွဲကိုဆက်လက်ကျင်းပရာ လာအိုနိုင်ငံ၊ ပြည်ထဲရေးဝန်ကြီးဌာန ၊ တိုင်းရင်းသားနှင့်သာသနာရေးရာဌာန(Department of Ethnic and Religious Affairs)၊ ညွှန်ကြားရေးမှူးချုပ် Mr. Sosonephith Phanouvong က “လာအိုနိုင်ငံ၏ တိုင်းရင်းသား မျိုးနွယ်စုများနှင့်ယဉ်ကျေးမှုများ” ခေါင်းစဉ်ဖြင့် လည်းကောင်း၊ တိုင်းရင်းသားလူမျိုးများရေးရာ ဝန်ကြီးဌာန၊ ပြည်ထောင်စုဝန်ကြီးရုံးမှ လက်ထောက်အတွင်းဝန် ဦးဇော်စိုးက “တိုင်းရင်းသား ရေးရာလုပ်ငန်းစဉ်များ” ခေါင်းစဉ်ဖြင့်လည်းကောင်း ရှင်းလင်းတင်ပြခဲ့ကြပြီး သိရှိလိုသည်များကို အပြန်အလှန် မေးမြန်းဆွေးနွေးဖြေကြားခဲ့ကြပါသည်။ ထို့နောက် လာအိုနိုင်ငံ၊ ပြည်ထဲရေးဝန်ကြီးဌာန ၊ တိုင်းရင်းသားနှင့်သာသနာ ရေးရာဌာန(Department of Ethnic and Religious Affairs)၊ ညွှန်ကြားရေးမှူးချုပ် Mr. Sosonephith Phanouvong က “လာအိုနိုင်ငံရှိ တိုင်းရင်းသား ရေးရာမူဝါဒများ” ခေါင်းစဉ်ဖြင့် လည်းကောင်း၊ တိုင်းရင်းသားအခွင့်အရေးများ ကာကွယ် စောင့်ရှောက်ရေးဦးစီးဌာန၊ ဒုတိယ ညွှန်ကြားရေးမှူး ဦးချစ်ဇော်လင်းက “မြန်မာနိုင်ငံရှိ တိုင်းရင်းသားရေးရာမူဝါဒများ” ခေါင်းစဉ်ဖြင့် လည်းကောင်း၊ တိုင်းရင်းသားစာပေနှင့်ယဉ်ကျေးမှု ဦးစီးဌာန ဒုတိယညွှန်ကြားရေးမှူးချုပ် ဦးမင်းသူရအောင်က “ မြန်မာနိုင်ငံရှိ တိုင်းရင်းသား ယဉ်ကျေးမှုများ” ခေါင်းစဉ်ဖြင့်လည်းကောင်း၊ တိုင်းရင်းသားစာပေနှင့်ယဉ်ကျေးမှု ဦးစီးဌာန ၊ ရန်ကုန်တိုင်းဒေသကြီး ညွှန်ကြားရေးမှူးရုံးမှ ညွှန်ကြားရေးမှူး ဦးပြေဟိန်းနိုင်က “မြန်မာနိုင်ငံရှိတိုင်းရင်းသားများ၏ရိုးရာပွဲတော်များ” ခေါင်းစဉ်ဖြင့်လည်းကောင်း ရှင်းလင်း တင်ပြခဲ့ကြပြီး သိရှိလိုသည်များကို အပြန်အလှန် မေးမြန်း ဆွေးနွေးဖြေကြားခဲ့ကြပါသည်။ ထို့နောက် ဒုတိယဝန်ကြီး ဦးဇော်အေးမောင်၊ ကချင်ပြည်နယ် တိုင်းရင်းသားရေးရာဝန်ကြီး ဦးကျော်မင်းခိုင်နှင့် တိုင်းရင်းသားအခွင့်အရေးများကာကွယ် စောင့်ရှောက်ရေးဦးစီးဌာန၊ ညွှန်ကြားရေးမှူးချုပ် ဦးမင်းအေးကိုတို့က အခမ်းအနားတက်ရောက်လာသူများကို ဂုဏ်ပြုလွှာများ ပေးအပ်ချီးမြှင့်ခဲ့ကြပါသည်။ ယင်းနောက် ဆွေးနွေးပွဲရလဒ်မူကြမ်းကို နှစ်နိုင်ငံကိုယ်စားလှယ်အဖွဲ့များက ညှိနှိုင်းအတည်ပြုခဲ့ကြပါသည်။ ထို့နောက် ဒုတိယဝန်ကြီး ဦးဇော်အေးမောင်က ဆွေးနွေးပွဲကျင်းပနိုင်ရေးအတွက် ဆောင်ရွက်ပေးသည့် လာအိုနိုင်ငံပြည်ထဲရေးဝန်ကြီးဌာနက တာဝန်ရှိသူများအားလုံးကို ကျေးဇူးတင်ရှိပါကြောင်း၊ လာအိုနိုင်ငံတွင်လည်း တိုင်းရင်းသားများ အခွင့်အရေးကိုကာကွယ်စောင့်ရှောက်သည့် ဥပဒေပြဌာန်းထားရှိပြီး တိုင်းရင်းသားများအတွက်ဆောင်ရွက်ပေးနေကြောင်း လေ့လာသိရှိရသည့်အတွက် လာအိုနိုင်ငံအပေါ်ဝမ်းမြောက်ဂုဏ်ယူအပ်ပါကြောင်းပြောကြားပါသည်။ဆက်လက်၍ လာအိုပြည်သူ့ဒီမိုကရက်တစ်သမ္မတနိုင်ငံ၊ ပြည်ထဲရေး ဝန်ကြီးဌာန၊ ဒုတိယဝန်ကြီး Mme. Livong Laoly က နိဂုံးချုပ်အမှာစကား ပြောကြားကာ စုပေါင်းမှတ်တမ်းတင် ဓာတ်ပုံများရိုက်ကူးခဲ့ကြပြီးအလုပ်ရုံဆွေးနွေးပွဲ အခမ်းအနား ကို ရုပ်သိမ်းခဲ့ကြပါသည်။ဆွေးနွေးပွဲကျင်းပမှုတွင် မြန်မာကိုယ်စားလှယ်အဖွဲ့သည် စည်းလုံးခြင်းအတွက်သီချင်းတစ်ပုဒ်နှင့် ထာဝရသစ္စာ သီချင်းတို့ဖြင့် ကပြဖျော်ဖြေခြင်းကိုပါ ဆောင်ရွက်ခဲ့ကြပါသည်။ (၃၀-၁၁-၂၀၂၂)ရက်နေ့တွင် ဒုတိယဝန်ကြီးဦးဇော်အေးမောင်ဦးဆောင်သည့် မြန်မာကိုယ်စားလှယ် အဖွဲ့သည် Laung Prabang မြို့သို့ လေယာဉ်ဖြင့် သွားရောက်ခဲ့ကြပြီး Laung Prabang National Museum နှင့် Kuang SI ရေတံခွန်တို့သို့ သွားရောက်လေ့လာခဲ့ကြပါသည်။ ၁-၁၂-၂၀၂၂ ရက်နေ့တွင် နံနက်ပိုင်းတွင် လာအိုနိုင်ငံ ရိုးရာဓလေ့ထုံးစံဖြစ်သည့် သံဃာတော်များအားအရုဏ်ဆွမ်းလောင်းမှုကိုလေ့လာပြီး ပါဝင်လောင်းလှူခဲ့ကြပါသည်၊ ထို့နောက် မဲခေါင်မြစ်အတွင်းစက်လှေဖြင့် ကောက်ညှင်းဆန်စိုက်ပျိုးသည့်ကျေးရွာBanxang Hai Village နှင့် ယက္ကန်းယက်သည့် Xangkhong Posa Weaving and Paper Handcraft Village တို့သို့ သွားရောက်လေ့လာကြကာ ဗီယန်ကျင်းမြို့သို့ မီးရထားဖြင့် ပြန်လည်ထွက်ခွာခဲ့ကြပါသည်။ ၂-၁၂-၂၀၂၂ ရက်နေ့ နံနက်ပိုင်းတွင် ဗီယန်ကျင်းမြို့ရှိ Xieng Kuant Buddha Park သို့သွားရောက်လေ့လာခဲ့ကြပါသည်။ ၃-၁၂-၂၀၂၂ ရက်နေ့ တွင် ဒုတိယဝန်ကြီးခေါင်းဆောင်သည့်အဖွဲ့သည် ဗီယန်ကျင်းမြို့ Wattay နိုင်ငံတကာလေဆိပ်မှ လေကြောင်းခရီးစဉ်ဖြင့်ပြန်လည်ထွက်ခွာခဲ့ရာ ရန်ကုန်မြို့သို့ (၁၈:၃၀)အချိန်တွင်ပြန်လည်ရောက်ရှိခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင် ရန်ကုန်တိုင်းဒေသကြီး၊ သာကေတမြို့နယ်ရှိ ပြည်ထောင်စုတိုင်းရင်းသားကျေးရွာ(ရန်ကုန်)တွင် တည်ဆောက်လျှက်ရှိသည့် ဆိပ်ခံဗောတံတားစီမံကိန်းလုပ်ငန်း ဆောင်ရွက်နေမှုအခြေအနေများကို ယနေ့ နိုဝင်ဘာလ(၆)ရက်နေ့ နေ့လည် ( ၁၃:၃၀ ) အချိန်၌ တိုင်းရင်းသားလူမျိုးများရေးရာဝန်ကြီး ဌာန၊ ပြည်ထောင်စုတိုင်းရင်းသားကျေးရွာ(ရန်ကုန်)မှ တာဝန်ရှိသူများ လိုက်ပါလျက်သွားရောက်စစ်ဆေးခဲ့ရာ တင်ဒါအောင်မြင်သော တည်ဆောက်ရေး ကုမ္ပဏီဖြစ်သည့် Regal Strength Co.,Ltd. တာဝန်ရှိသူမှ ဆိပ်ခံဗောတံတားတည်ဆောက်ရေး ပိုင်ရိုက်ခြင်းလုပ်ငန်း (၂၂)တိုင် ပိုင်ရိုက်ထားမှုအခြေအနေများအား ရှင်းလင်းတင်ပြခဲ့ပါသည်။ ထို့နောက် ဒုတိယဝန်ကြီးက ရှင်းလင်းတင်ပြချက်များအပေါ် တည်ဆောက်ရေးလုပ်ငန်းများအား စံချိန်စံညွှန်းများနှင့်အညီ သတ်မှတ်အချိန်ကာလအတွင်း အပြီးဆောင်ရွက်သွားကြရန်နှင့် လုပ်ငန်းခွင်ဘေးအန္တရာယ်ကင်းရှင်းရေးအတွက် သတိပြုဆောင်ရွက်သွားကြရန်မှာကြားခဲ့ပြီး လိုအပ်သည်များ အားပေါင်းစပ်ညှိနှိုင်းပေးခဲ့ပါသည်။
ဆက်လက်ဖတ်ရှုပါရန်