• 07 February 2023
• တောင်ကြီး

တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး Jeng Phang နော်တောင်နှင့် ရှမ်းပြည်နယ်အတွင်းရှိ တိုင်းရင်းသားစာပေနှင့်ယဉ်ကျေးမှုအဖွဲ့များ တွေ့ဆုံဆွေးနွေးပွဲ အခမ်းအနားကို ဖေဖော်ဝါရီလ (၇) ရက်နေ့ နေ့လယ်ပိုင်းတွင် တိုင်းရင်းသားလူမျိုးများ ရေးရာဝန်ကြီးဌာန၊ ရှမ်းပြည်နယ် ညွှန်ကြားရေးမှူးရုံး၊ အစည်းအဝေးခန်းမ၌ ကျင်းပပြုလုပ်ရာ ရှမ်းပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးအောင်ကြည်ဝင်း၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ဝန်ထမ်းများနှင့် တိုင်းရင်းသား စာပေနှင့်ယဉ်ကျေးမှုအသင်းအဖွဲ့များ တက်ရောက်ကြပါသည်။ ပထမဦးစွာ ပြည်ထောင်စုဝန်ကြီး Jeng Phang နော်တောင်က အမှာစကားပြောကြားရာတွင် မိမိတို့ တိုင်းရင်းသားလူမျိုးများရေးရာဝန်ကြီးဌာနသည် တိုင်းရင်းသားများ၏ စကား၊ စာပေ၊ ကိုးကွယ်ယုံကြည်မှုနှင့် ယဉ်ကျေးမှုဓလေ့ထုံးတမ်းအစဉ်အလာများကို ထိန်းသိမ်း ကာကွယ်စောင့်ရှောက်ပေးရန်၊ တိုင်းရင်းသားများ၏ လူမှုစီးပွားဘဝဖွံ့ဖြိုးတိုးတက်လာစေရန်နှင့် တိုင်းရင်းသားရေးရာကိစ္စရပ်များကိုဆောင်ရွက်ရန် ပေါ်ပေါက်လာသည့် ဝန်ကြီးဌာနတစ်ခုဖြစ်ပါကြောင်း၊ မိမိတို့ တိုင်းရင်းသားလူမျိုးများရေးရာ ဝန်ကြီးဌာန သည် တိုင်းရင်းသားများ၏ စာပေနှင့်ယဉ်ကျေးမှုဖွံ့ဖြိုးတိုးတက်ရေးကိစ္စရပ်များ ဖွံ့ဖြိုးတိုးတက်အောင်ကူညီ ဆောင်ရွက်ပေးလျက်ရှိပါကြောင်း၊ ရှမ်းပြည်နယ်ရှိ အခြေခံပညာကျောင်းများတွင် တိုင်းရင်းသားစာပေ သင်ကြားခွင့်ရရှိပြီးဖြစ်သည့် တိုင်းရင်းသားမျိုးနွယ်စု (၉)စုတို့၏ (Teaching Assitant – TA) နှင့် (Language Teacher – LT) တို့ကို ၂၀၁၇-၂၀၁၈ ခုနှစ်မှ ၂၀၂၂-၂၀၂၃ ခုနှစ်အထိ (Teaching Assitant – TA) စုစုပေါင်း (၁၇၁၂)ဦး၊ (Language Teacher – LT) (၄၀) ဦးတို့အား ပညာရေးဝန်ကြီးဌာနနှင့်ပူးပေါင်း၍ ခန့်ထားပေးနိုင်ခဲ့ပါကြောင်း၊ အဆိုပါ (TA/LT) ဆရာ/ဆရာမများအနက် သတ်မှတ်အရည်အချင်းနှင့် ကိုက်ညီသူများကို အမြဲတမ်းဝန်ထမ်း(Permant) အဖြစ်ခန့်ထားနိုင်ရေးအတွက် မိမိတို့ဝန်ကြီးဌာနအနေဖြင့် ပညာရေးဝန်ကြီးဌာနနှင့် ပူးပေါင်းဆောင်ရွက်လျက်ရှိပါကြောင်း၊ တိုင်းရင်းသားစာပေနှင့်ယဉ်ကျေးမှုအသင်းအဖွဲ့များအနေဖြင့် မိမိတို့တိုင်းရင်းသားအရေး ကိစ္စရပ်များဆောင်ရွက်ရာတွင် ပါတီနိုင်ငံရေးကိစ္စရပ်များ၊ ဘာသာစွဲနှင့် ပုဂ္ဂိုလ်စွဲ မထားကြရန်လိုအပ်မည်ဖြစ်ပါကြောင်း၊ အသင်းအဖွဲ့မှတ်ပုံတင်များဆောင်ရွက်ရာတွင် နိုင်ငံတော်မှထုတ်ပြန် ထားသည့် လုပ်ထုံးလုပ်နည်းများနှင့်အညီ ဆောင်ရွက်သွားကြရန် လိုအပ်မည်ဖြစ်ပါကြောင်း ပြောကြားခဲ့ပါသည်။ဆက်လက်ပြီး ရှမ်း၊ ဓနု၊ ပအိုဝ်း၊ တောင်ရိုး၊ အင်းသား၊ ကိုးကန့်၊ လီဆူ၊ ထနော့နှင့် ကချင်စာပေနှင့်ယဉ်ကျေးမှု အဖွဲ့မှ တာဝန်ရှိသူများက အထွေထွေဆွေးနွေးတင်ပြကြပါသည်။၎င်းနောက် ရှမ်းပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးအောင်ကြည်ဝင်းနှင့် တိုင်းရင်းသား စာပေ နှင့်ယဉ်ကျေးမှုဦးစီးဌာန၊ ညွှန်ကြားရေးမှူးချုပ် ဦးဝင်းနိုင်တို့က ဖြည့်စွက်ရှင်းလင်းဆွေးနွေးကာ အထွေထွေဆွေးနွေးတင်ပြချက်များအပေါ် ပြည်ထောင်စုဝန်ကြီးက ပေါင်းစပ်ညှိနှိုင်းပေးခဲ့ပြီး နိဂုံးချုပ် အမှာစကားပြောကြားခဲ့ပါသည်။ယင်းနောက် ပြည်ထောင်စုဝန်ကြီးနှင့် ပြည်နယ်တိုင်းရင်းသားရေးရာဝန်ကြီးတို့သည် တိုင်းရင်းသားစာပေ နှင့်ယဉ်ကျေးမှုအဖွဲ့များအား စာပေနှင့်ယဉ်ကျေးမှုဆိုင်ရာကိစ္စရပ်များ ပိုမိုထိန်းသိမ်းမြှင့်တင်ဆောင်ရွက်နိုင်ရန်အတွက် ထောက်ပံ့ငွေများပေးအပ်ခဲ့ပြီး စုပေါင်း မှတ်တမ်းတင်ဓါတ်ပုံများ ရိုက်ကူးကြပါသည်။၎င်းနောက် ပြည်ထောင်စုဝန်ကြီး၊ ပြည်နယ်တိုင်းရင်းသားရေးရာဝန်ကြီးနှင့် အဖွဲ့ဝင်တို့သည် တောင်ကြီးမြို့နယ်၊ အေးသာယာမြို့သို့သွားရောက်ခဲ့ပြီး မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ အထောက်အပံ့ဖြင့် တည်ဆောက်နေသည့် ရှမ်းပြည်နယ် တိုင်းရင်းသားရေးရာနှင့်သက်မွေး ပညာသင်တန်းစင်တာ အဆောက်အအုံ တည်ဆောက်နေမှု အခြေအနေများကို သွားရောက်ကြည့်ရှုစစ်ဆေးရာ ပထမဦးစွာ မြေညီထပ်ရှင်းလင်းဆောင် တွင် အဆောက်အအုံကို တာဝန်ယူတည်ဆောက်နေသည့် မိုးယံဝင့်ချီ ကုမ္ပဏီ လီမိတက်မှ တာဝန်ရှိသူတစ်ဦးက လုပ်ငန်းဆောင်ရွက်နေမှုများနှင့် ပတ်သက်ပြီး ရှင်းလင်းတင်ပြခဲ့ပါသည်။ ရှင်းလင်းတင်ပြချက်များအပေါ်  ပြည်ထောင်စုဝန်ကြီးက အရည်အသွေး စစ်ဆေးရေးအဖွဲ့၏ စစ်ဆေး အတည်ပြုချက်ကို လက်ခံဆောင်ရွက်ရန်၊ သတ်မှတ်ကာလအတွင်း လုပ်ထုံးလုပ်နည်းနှင့်အညီ အချိန်မီ ပြီးစီးအောင် တည်ဆောက်သွားရန်၊ အရည်အသွေးပြည့်မီအောင်တည်ဆောက်ရန်နှင့် လေလွင့်ဆုံးရှုံးမှုမရှိစေရေး ဆောင်ရွက်ကြရန် လမ်းညွှန်မှာကြားခဲ့ပါသည်။ ၎င်းနောက် ပြည်ထောင်စုဝန်ကြီး၊ ပြည်နယ် တိုင်းရင်းသားရေးရာဝန်ကြီးနှင့် အဖွဲ့ဝင်တို့သည် အဆောက်အအုံတည်ဆောက်နေမှု အခြေအနေများကို လိုက်လံ ကြည့်ရှုစစ်ဆေးခဲ့ပြီး တာဝန်ရှိသူများက ရှင်းလင်းတင်ပြရာ ပြည်ထောင်စုဝန်ကြီးက လိုအပ်သည်များကို လမ်းညွှန်မှာကြားခဲ့ကြောင်း သိရှိရပါသည်။

• 06 February 2023
• ရှမ်းပြည်နယ်

     (၇၆) နှစ်မြောက် ရှမ်းပြည်နယ်နေ့ကို ကြိုဆိုဂုဏ်ပြုသောအားဖြင့် အင်္ဂလိပ်၊ ဂျပန်၊ ကိုးရီးယား၊ တရုတ် ဘာသာစကားသင်တန်းဖွင့်ပွဲအခမ်းအနားကို ဖေဖော်ဝါရီလ (၆) ရက်နေ့ နေ့လယ်ပိုင်းတွင် ရှမ်းပြည်နယ်၊ တောင်ကြီးမြို့နယ်ရှိ တိုင်းရင်းသားလူမျိုးများရေးရာဝန်ကြီးဌာန၊ ရှမ်းပြည်နယ် ညွှန်ကြားရေးမှူးရုံး၊ အစည်းအဝေးခန်းမ၌ ကျင်းပပြုလုပ်ရာ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး Jeng Phang နော်တောင်၊ ရှမ်းပြည်နယ်အစိုးရအဖွဲ့ ဝန်ကြီးချုပ် ဦးအောင်ဇော်အေး၊ ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ဝန်ထမ်းများ၊ သင်တန်းဆရာများနှင့် သင်တန်းသား/သူများ တက်ရောက်ကြပါသည်။    ပထမဦးစွာ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး       Jeng Phang နော်တောင်က အဖွင့်အမှာစကားပြောကြားရာတွင် နိုင်ငံတော်စီမံအုပ်ချုပ်ရေးကောင်စီ အနေဖြင့် ရှေ့လုပ်ငန်းစဉ် (၅)ရပ်၊ ဦးတည်ချက် (၁၂) ရပ်ချမှတ်ပြီး နိုင်ငံတော်၏ နိုင်ငံရေး၊ စီးပွားရေး၊ လူမှုရေးများသာမက တန်ဖိုးမြှင့်လူ့စွမ်းအားအရင်းအမြစ်ပေါ်ထွန်းလာရန်အတွက် ပညာရေးကဏ္ဍမြှင့်တင်ရေးကိုပါ အလေးထားဆောင်ရွက်လျက်ရှိရာ မိမိတို့ဝန်ကြီးဌာန အနေဖြင့် တိုင်းဒေသကြီး/ပြည်နယ်များတွင် တိုင်းရင်းသားလူမျိုးများ၏လူ့စွမ်းအား အရင်းအမြစ်တိုးတက်ရေးနှင့် လူမှုစီးပွားဘဝတိုးတက်မြင့်မားစေရန်အတွက် သက်ဆိုင်ရာ တိုင်းဒေသကြီး/ပြည်နယ်အစိုးရအဖွဲ့၏ ပံ့ပိုးထောက်ပံ့မှုရန်ပုံငွေဖြင့် သင်တန်းများ ဖွင့်လှစ် ပေးလျက်ရှိပါကြောင်း၊ ကချင်ပြည်နယ်တွင် အခြေခံစက်ချုပ်သင်တန်း၊ မန္တလေးတိုင်း ဒေသကြီးတွင် ကျောက်မျက်သင်တန်း၊ တနင်္သာရီတိုင်းဒေသကြီးတွင် တိုင်းရင်းသား ရိုးရာအစားအစာချက်ပြုတ်သင်တန်း၊ ရခိုင်ပြည်နယ်တွင် အိမ်တွင်းမှုသင်တန်း၊ အခြေခံနှင့် အဆင့်မြင့်စက်ချုပ်သင်တန်း၊ ရှမ်းပြည်နယ်တွင် ဝါးလက်မှုအခြေခံသင်တန်းနှင့် အခြေခံ စက်ချုပ်သင်တန်း၊ ရန်ကုန်တိုင်းဒေသကြီးတွင် ရေခဲမုန့်သင်တန်း၊ အဖျော်ယမကာ သင်တန်းနှင့် ကွန်ပျူတာသင်တန်းများကို တိုင်းဒေသကြီး/ပြည်နယ်အစိုးရအဖွဲ့များနှင့် ပေါင်းစပ်ညှိနှိုင်းပြီး ပူးပေါင်းဖွင့်လှစ်ပေးနိုင်ခဲ့ပါကြောင်းမြန်မာနိုင်ငံ၏ ရုံးသုံးဘာသာစကားသည် မြန်မာစာဖြစ်သည့်အတွက် ပြောဆိုသုံးနှုန်း ရေးသားရာတွင် သဒ္ဒါအထားအသိုမှန်ကန်စွာနှင့် ကျွမ်းကျင်ပိုင်နိုင်စွာ တတ်မြောက်ရန် လိုအပ်သလို အခြားကမ္ဘာ့သုံးဘာသာစကားများဖြစ်သည့် အင်္ဂလိပ်၊ ဂျပန်၊ ကိုးရီးယား၊ တရုတ်စသည့် ဘာသာစကားများကိုပါ တတ်ကျွမ်းနားလည်ပါက အလုပ်အကိုင် အခွင့်အလမ်းများပိုမိုရရှိစေမည်ဖြစ်ပြီး နိုင်ငံတကာပေါင်းသင်းဆက်ဆံရေးနှင့် ကမ္ဘာ့လူမှု နယ်ပယ်တွင် အထောက်အကူဖြစ်စေမည်ဖြစ်ပါကြောင်း၊ ပြည်နယ်အစိုးရအဖွဲ့ရန်ပုံငွေဖြင့် ယခုဖွင့်လှစ်မည့်သင်တန်းမှာ သင်တန်းသား/သူများအနေဖြင့် သင်တန်း၏ စည်းမျဉ်း၊ စည်းကမ်းများကိုလိုက်နာပြီး သင်တန်းမှပို့ချသည့် သင်ခန်းစာများကို အပတ်တကုတ် သေချာကြိုးစားလေ့လာသင်ယူကြရန်နှင့် စဉ်ဆက်မပြတ်သင်ယူမှသာ မိမိတို့၏ စွမ်းဆောင်ရည်မြင့်မားမည်ဖြစ်သည့်အတွက် စဉ်ဆက်မပြတ်လေ့လာ သင်ယူကြရန် မှာကြားလိုပါကြောင်း၊ ရှမ်းပြည်နယ်၊ တောင်ကြီးမြို့နယ်၊ အေးသာယာမြို့တွင် မဲခေါင်-လန်ချန်းပူးပေါင်းဆောင်ရွက်မှု အထူးရန်ပုံငွေအထောက်အပံ့ဖြင့် ရှမ်းပြည်နယ် တိုင်းရင်းသားရေးရာနှင့် သက်မွေးပညာသင်တန်းစင်တာကို တည်ဆောက်လျက်ရှိရာ မကြာမီ ဆောက်လုပ်ပြီးစီးတော့မည်ဖြစ်၍ ရှမ်းပြည်နယ်အတွင်းသာမက အနီးပတ်ဝန်းကျင် ဒေသများတွင် မှီတင်းနေထိုင်ကြသော တိုင်းရင်းသားလူမျိုးများအားလုံး အသက် မွေးဝမ်းကျောင်းသင်တန်းများ တက်ရောက်နိုင်မည်ဖြစ်ပြီး အလုပ်အကိုင်အခွင့်အလမ်းများ ပိုမိုရရှိလာနိုင်တော့မည်ကို သတင်းကောင်းပါးလိုပါကြောင်းဖြင့် ပြောကြားခဲ့ပါသည်။      ဆက်လက်ပြီး ရှမ်းပြည်နယ် ဝန်ကြီးချုပ် ဦးအောင်ဇော်အေးက အမှာစကားပြောကြား ရာတွင် မိမိတို့ ရှမ်းပြည်နယ်သည် မြန်မာနိုင်ငံတွင် အကြီးဆုံးပြည်နယ်ဖြစ်သည်နှင့်အညီ တိုင်းရင်းသားလူမျိုးပေါင်းစုံ စုပေါင်းနေထိုင်သည့် ပြည်နယ်လည်းဖြစ်ပါကြောင်း၊ တိုင်းရင်းသားများ၏ ဘက်စုံဖွံ့ဖြိုးတိုးတက်ရေးကိစ္စရပ်များနှင့်စပ်လျဉ်းပြီး ဖွံ့ဖြိုးရေး လုပ်ငန်းများကို တတ်နိုင်သမျှ ဦးစားပေးဆောင်ရွက်လျက်ရှိပါကြောင်း၊ လိုအပ်သည့် ရန်ပုံငွေများကိုလည်း လုပ်ထုံးလုပ်နည်းများနှင့်အညီ ထောက်ပံ့ဆောင်ရွက်ပေးလျက်ရှိ ပါကြောင်း၊ ရှမ်းပြည်နယ်အစိုးရအဖွဲ့အနေဖြင့် ၂၀၂၂-၂၀၂၃ ဘဏ္ဍာနှစ်အတွင်း ရှမ်းပြည်နယ်အတွင်းရှိ တိုင်းရင်းသားရေးရာကိစ္စရပ်များဆောင်ရွက်နိုင်ရန်အတွက် ရန်ပုံငွေ ကျပ်သန်း (၂၇၀) ထောက်ပံ့ပေးခဲ့သည့်အပြင် တိုင်းရင်းသားဒေသများဖွံ့ဖြိုးတိုးတက်ရေး အတွက်လည်း အခြေခံလိုအပ်ချက်များဖြစ်သည့် လမ်းပန်းဆက်သွယ်ရေး၊ ရေနှင့်လျှပ်စစ်မီး ရရှိရေးများကို အခါအားလျော်စွာ ဖြည့်ဆည်းဆောင်ရွက်ပေးလျက်ရှိပါကြောင်း ပြောကြားခဲ့ပါသည်။      ၎င်းနောက် ပြည်ထောင်စုဝန်ကြီး Jeng Phang နော်တောင်နှင့် ရှမ်းပြည်နယ် ဝန်ကြီးချုပ် ဦးအောင်ဇော်အေးတို့က သင်တန်းသား/သင်တန်းသူများအား သင်ရိုး ညွှန်းတမ်းစာအုပ်များ၊ သင်ထောက်ကူပစ္စည်းများ၊ စားသောက်ကုန်ပစ္စည်းများနှင့် ထောက်ပံ့ ငွေများကို ပေးအပ်ခဲ့ပါသည်။ ယင်းနောက် ပြည်ထောင်စုဝန်ကြီး၊ ပြည်နယ်ဝန်ကြီးချုပ်နှင့် တာဝန်ရှိသူများသည် သင်တန်းနည်းပြဆရာများ၊ သင်တန်းသား/သူများနှင့်အတူ စုပေါင်းမှတ်တမ်းဓါတ်ပုံရိုက်ကူးကြပြီး ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က သင်တန်းနည်းပြဆရာများ၊ သင်တန်းသား/သူများအား ရင်းရင်းနှီးနှီးလိုက်လံနှုတ်ဆက် ခဲ့ပါသည်။    ဆက်လက်ပြီး ပြည်ထောင်စုဝန်ကြီးသည် တိုင်းရင်းသားလူမျိုးများရေးရာဝန်ကြီးဌာန၊ ရှမ်းပြည်နယ် ညွှန်ကြားရေးမှူးရုံးတွင် တာဝန်ထမ်းဆောင်နေသောဝန်ထမ်းများနှင့် တွေ့ဆုံ ခဲ့ပြီး ပြည်ထောင်စုဝန်ကြီးက လမ်းညွှန်အမှာစကားပြောကြားရာတွင် ဝန်ထမ်းများသည် ဝန်ထမ်းသစ္စာအဓိဋ္ဌာန(၆)ချက်ကို လိုက်နာရမည်ဖြစ်ပါကြောင်း၊ ပါတီနိုင်ငံရေးကင်းရှင်းပြီး ဝန်ထမ်းစည်းမျဉ်း၊ စည်းကမ်းများကို လိုက်နာကြရမည်ဖြစ်ပါကြောင်း၊ လောကဓံတရား (၈)ပါး၊ ဗြဟ္မစိုရ်တရား(၄)ပါးနှင့် သီလ(၅)ပါးတို့နှင့်အညီ ပြုမူနေထိုင်ကြရန်လိုပါကြောင်း၊ အသုံးစရိတ်သုံးစွဲရာတွင် ဘဏ္ဍာရေး စည်းမျဉ်းနှင့်အညီ သုံးစွဲပြီး စာရင်းစစ်ဆေးခံနိုင်ရန် အတွက်လည်း ပြင်ဆင်ထားကြရမည် ဖြစ်ပါကြောင်း၊ စည်းစည်းလုံးလုံးဖြင့် လုပ်ငန်းများကို ပူးပေါင်းဆောင်ရွက်ကြရန် မှာကြား လိုပါကြောင်းဖြင့် ပြောကြားခဲ့ပါသည်။ ၎င်းနောက် ဝန်ထမ်းများက အထွေထွေဆွေးနွေးတင်ပြကြရာ ပြည်ထောင်စုဝန်ကြီးက လိုအပ်သည် များကို ပေါင်းစပ်ညှိနှိုင်းပေးခဲ့ပြီး ဝန်ထမ်းများအား ထောက်ပံ့ငွေများပေးအပ်ခဲ့ပါသည်။ ၎င်းနောက် ပြည်ထောင်စုဝန်ကြီးနှင့် တာဝန်ရှိသူများသည် ဝန်ထမ်းများ၏ ရုံးလုပ်ငန်း ဆောင်ရွက်နေမှုများကို လိုက်လံကြည့်ရှုစစ်ဆေးခဲ့ပြီး လိုအပ်သည်များကို လမ်းညွှန်မှာကြား ခဲ့ကြောင်း သိရှိရပါသည်။  

• 03 February 2023
• နေပြည်တော်

တိုင်းရင်းသားလူမျိုများရေးရာဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် ယနေ့ မွန်းလွဲပိုင်းတွင် တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီးရုံး အစည်းအဝေးခန်းမ၌ ဝန်ထမ်းများနှင့် လုပ်ငန်းတွေ့ဆုံ ညှိနှိုင်းအစည်းအဝေးသို့ တက်ရောက်၍  အမှာစကားပြောကြားပါသည်။  ဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် တိုင်းရင်းသားလူမျိုးများ ရေးရာဝန်ကြီးဌာနရှိ ဝန်ထမ်းများသည် အခြားဝန်ကြီးဌာနမှ ဝန်ထမ်းများနှင့် အရည်အသွေးမီ ရင်ဘောင်တန်းနိုင်ရန် လိုအပ်ပါကြောင်း၊ ဝန်ကြီးဌာနအတွင်း လှည့်လည်စစ်ဆေးရာတွင် စနစ်တကျရှိသည်ကို တွေ့ရှိရပါကြောင်း၊ ဝန်ထမ်းများအနေဖြင့် ဝတ်စားဆင်ယင်မှု သပ်ရပ်ရမည်ဖြစ်ပြီး  ပြောဆိုဆက်ဆံရာတွင် ပြေပြစ်ရမည်ဖြစ်ပါကြောင်း၊ ဝန်ကြီးဌာန၏ လုပ်ငန်းဆောင်တာများကို ဌာနစည်းမျဉ်းစည်းကမ်း လုပ်ထုံးလုပ်နည်းများနှင့်အညီ လုပ်ငန်းကိုစည်းလုံးညီညွတ်စွာဖြင့် တာဝန်ကျေပွန်စွာ ဆောင်ရွက်ကြရမည်ဖြစ်ပါကြောင်း၊ ဝန်ထမ်းများသည် အရာထမ်း၊ အမှုထမ်းများအလိုက် မိမိတို့၏တာဝန်နှင့် ဝတ္တရားများကို ပိုမိုသိရှိလိုက်နာပြီး စေတနာထားဆောင်ရွက်ရမည် ဖြစ်ပါ‌ကြောင်း၊ သင်တန်းများတက်ရောက်ပြီး အရည်အသွေး မြှင့်တင်ထားရှိရန် မှာကြားလိုပါကြောင်း၊ သို့မှသာ လုပ်ငန်းများဆောင်ရွက်ရာတွင် ဦးစီးတာဝန်နှင့်အညီ မှန်ကန်မြန်ဆန်ပြီး အမှားအယွင်းနည်းစွာဖြင့် အချိန်နှင့်တစ်ပြေးညီ ပြီးစီးအောင်ဆောင်ရွက်နိုင်မည်ဖြစ်ပါကြောင်း၊ လုပ်ငန်းများ လုပ်ဆောင်ရာတွင် မိသားစုစိတ်ဓါတ်ကို အခြေခံ၍ ဥပဒေဘောင်အတွင်းမှ လုပ်ကိုင်ဆောင်ရွက်ကြရန်နှင့်  မေတ္တာတရား၊ ကိုယ်ချင်းစာတရား စိတ်ဓါတ်တို့ဖြင့် လက်အောက်ငယ်သားများကို နာယကဂုဏ်များနှင့်အညီ ကြီးကြပ်စီမံကွပ်ကဲရန် မှာကြားလိုပါကြောင်းနှင့် နိဂုံးချုပ်တွင် လက်ရှိဆောင်ရွက်ဆဲလုပ်ငန်းများကို ဘဏ္ဍာရေးနှစ်အမီ ဆောင်ရွက်နိုင်ရေးအတွက် တွန်းအားပေး ကြီးကြပ်ဆောင်ရွက်ရန် လိုအပ်ပါကြာင်း လမ်းညွှန်ပြောကြားပါသည်။ ယင်းနောက် ဒုတိယဝန်ကြီး ဦးဇော်အေးမောင်က ဝန်ထမ်းများသည် ပြည်ထောင်စုဝန်ကြီး၏ လမ်းညွှန်မှုနှင့်အညီ နိုင်ငံဝန်ထမ်းဥပဒေ၊ နည်းဥပဒေပြဋ္ဌာန်းချက်များအတိုင်း  လိုက်နာ ဆောင်ရွက်သွားရန် ပြောကြားပါသည်။  ဆက်လက်၍ အမြဲတမ်းအတွင်းဝန်၊ တိုင်းရင်းသားစာပေနှင့်ယဉ်ကျေးမှုဦးစီးဌာန ညွှန်ကြားရေးမှူးချုပ်၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန ညွှန်ကြားရေးမှူးချုပ်တို့က ဝန်ကြီးဌာနတွင်း ဆောင်ရွက်လျက်ရှိသည့် လုပ်ငန်းဆောင်ရွက်ချက်များကို  တင်ပြခဲ့ကြပါသည်။  ထို့နောက် ပြည်ထောင်စုဝန်ကြီးမှ နိဂုံးချုပ်အမှာစကားပြောကြားရာတွင် ဝန်ကြီးဌာန၏ ရည်မှန်းချက်၊ မျှော်မှန်းချက်နှင့် မူဝါဒများကို ရှေ့ရှုပြီး တိုင်းရင်းသားလူမျိုးများအတွက် ဝိုင်းဝန်းပြီး ကြိုးစားဆောင်ရွက်သွားကြမည်ဟု ယုံကြည်ပါကြောင်း ပြောကြားခဲ့ပါသည်။ အခမ်းအနားသို့ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ ဒုတိယအမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ ပြည်ထောင်စု ဝန်ကြီးရုံးနှင့် ဦးစီးဌာနများရှိဌာနခွဲတာဝန်ခံများနှင့် တာဝန်ရှိသူများတက်ရောက်ခဲ့ကြကြောင်း သိရှိရပါသည်။  

• 02 February 2023
• နေပြည်တော်

 နိုင်ငံတော်စီမံအုပ်ချုပ်ရေးကောင်စီဗဟိုအကြံပေးအဖွဲ့ အဖွဲ့ခေါင်းဆောင် ဦးစောထွန်းအောင်မြင့်၊  တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး Jeng Phang နော်တောင်နှင့် ဝန်ထမ်းများ နှုတ်ဆက်တွေ့ဆုံခြင်း အခမ်းအနားကို ယနေ့မွန်းလွဲပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ အစည်းအဝေးခန်းမ၌ကျင်းပရာ နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ အဖွဲ့ခေါင်းဆောင် ဦးစောထွန်းအောင်မြင့်၊ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊  အမြဲတမ်းအတွင်းဝန်၊ ညွှန်ကြားရေးမှူးချုပ်များ၊  ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် အရာထမ်း၊ အမှုထမ်းများ တက်ရောက်ခဲ့ကြပါသည်။ပထမဦးစွာ နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ အဖွဲ့ခေါင်းဆောင် ဦးစောထွန်းအောင်မြင့်က နှုတ်ဆက်အမှာစကားပြောကြားရာတွင် ယနေ့သည်  တိုင်းရင်းသား လူမျိုးများရေးရာဝန်ကြီးဌာန ပြည်ထောင်စုဝန်ကြီးအဖြစ် စတင်တာဝန်ထမ်းဆောင်သည့် ပြည်ထောင်စုဝန်ကြီး Jeng Phang နော်တောင်အား တာဝန်လွဲပြောင်းပေးအပ်သည့်နေ့ဖြစ်ပြီး  မိမိအနေဖြင့်လည်း ဝန်ထမ်းများကို  နှုတ်ဆက်သကဲ့သို့ ဝန်ထမ်းများကလည်း ပြည်ထောင်စုဝန်ကြီးအား ကြိုဆိုရမည်ဖြစ်ပါကြောင်း၊ အဓိကမှာကြားလိုသည်မှာ ဝန်ထမ်းစည်းမျဉ်းစည်းကမ်းများကိုလိုက်နာပြီး ဥပဒေဘောင်နှင့်အညီ နေထိုင်သွားကြရမည်ဖြစ်ပါကြောင်း၊ ပါတီနိုင်ငံရေး ကင်းရှင်းရမည်ဖြစ်ပြီး ပါတီစွဲ၊ ပုဂ္ဂိုလ်စွဲ မထားကြရန်မှာကြားလိုပါကြောင်း၊ ဝန်ထမ်းအချင်းချင်း သဟဇာတဖြစ်အောင် တန်းတူညီမျှ ဆက်ဆံဆောင်ရွက်ကြရန်နှင့် စည်းလုံးညီညွတ်စွာနေထိုင်ကြရမည်ဖြစ်ပါကြောင်း၊တိုင်းရင်းသားလူမျိုးများရေးရာဝန်ကြီးဌာနဖြစ်သည်နှင့်အညီ တိုင်းရင်းသား စည်းလုံးညီညွတ်ရေးသည် အရေးကြီးသဖြင့် မိမိတို့ဝန်ထမ်းများက စံပြအနေဖြင့် စည်းလုံး ညီညွတ်ရမည်ဖြစ်ပါကြောင်း ပြောကြားပါသည်။ထို့နောက် တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီးအဖြစ် စတင် တာဝန်ထမ်းဆောင်သည့် ပြည်ထောင်စုဝန်ကြီး Jeng Phang နော်တောင်က အမှာစကား ပြောကြားရာတွင် ယခုကဲ့သို့ ဆုံတွေ့ခွင့်ရသည့်အတွက် ဝမ်းမြောက်ပါကြောင်း၊ ဝန်ကြီးဌာန၏ ရည်မှန်းချက်များ ပေါက်မြောက်အောင်မြင်ရန် ဝန်ထမ်းများကြိုးစားဆောင်ရွက်ရမည်ဖြစ်ပါကြောင်း၊ တက်ညီလက်ညီ ဆောင်ရွက်ပေးကြစေလိုပါကြောင်း၊ နိုင်ငံ့ဝန်ထမ်းသစ္စာ အဓိဋ္ဌာန်ကို မမေ့ကြရန် မှာကြားလိုပါကြောင်း၊ စည်းလုံးညီညွတ်မှုသည် အရေးကြီးသည်ကို ထပ်မံပြောကြားလိုပါကြောင်း၊ ဝန်ထမ်းများသည် ပါတီစွဲ၊ လူမျိုးစွဲ၊ ဘာသာစွဲ၊ ပုဂ္ဂိုလ်စွဲ မထားကြရန်နှင့် နိုင်ငံတော်စီမံ အုပ်ချုပ်ရေးကောင်စီက ချမှတ်ထားသည့် ရှေ့လုပ်ငန်းစဉ်(၅)ရပ်နှင့် ဦးတည်ချက်(၉)ရပ်တို့ကို ဦးထိပ်ပန်ဆင်ကြပြီး နိုင်ငံတော်၏တာဝန်များကို ဆတက်ထမ်းပိုး ဆောင်ရွက်ကြရန် မှာကြားလိုပါကြောင်း ပြောကြားပါသည်။ဆက်လက်၍ ဒုတိယဝန်ကြီး ဦးဇော်အေးမောင်က ကြိုဆိုနှုတ်ခွန်းဆက် စကားပြောကြားရာတွင် နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ အဖွဲ့ခေါင်းဆောင်အဖြစ် ခန့်အပ်ခြင်းခံရသည့်  ဦးစောထွန်းအောင်မြင့်သည် တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီးအဖြစ် တာဝန်ထမ်းဆောင်ခဲ့သည့် (၂)နှစ်တာကာလအတွင်းဝန်ထမ်းများ အပေါ် ခွင့်လွှတ်ခြင်း၊ သည်းခံခြင်း၊ စည်းရုံးခြင်းနှင့် လက်တွဲခေါ်ဆောင်သွားနိုင်ခဲ့ပါကြောင်း၊ တိုင်းရင်းသားရေးရာကိစ္စရပ်များကို စွမ်းစွမ်းတမံ ဆောင်ရွက်နိုင်ခဲ့ပြီး ဌာနအတွက်ပုံရိပ်ကောင်း များစွာရှိခဲ့သဖြင့် ကျေးဇူးတင်ရှိပါကြောင်း၊ တစ်ဆက်တည်းတွင် တိုင်းရင်းသားလူမျိုးများရေးရာ ဝန်ကြီးဌာန ပြည်ထောင်စုဝန်ကြီးအသစ်အဖြစ် ရောက်ရှိတာဝန် ထမ်းဆောင်သည့် ပြည်ထောင်စု ဝန်ကြီး Jeng Phang နော်တောင်အားလည်း ဝမ်းမြောက်စွာဖြင့် ကြိုဆိုနှုတ်ဆက်ပါကြောင်း၊ ဤဝန်ကြီးဌာနမှဝန်ထမ်းများသည် နိုင်ငံတော်မှချမှတ်ထားသည့် တို့တာဝန်အရေး(၃)ပါးနှင့်အညီ ဝန်ကြီးဌာန၏ လုပ်ငန်းစဉ်များကို  ပြည်ထောင်စုဝန်ကြီး၏ ဦးဆောင်လမ်းညွှန်မှုဖြင့် ဝိုင်းဝန်းဆောင်ရွက်သွားကြရန် မှာကြားလိုပါကြောင်းပြောကြားကာ အခမ်းအနားကို ရုပ်သိမ်းခဲ့ကြောင်း သိရှိရပါသည်။

• 25 January 2023

 တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး ဦးစောထွန်းအောင်မြင့်သည် ယနေ့နံနက် (၀၉:၀၀)နာရီတွင် ရန်ကုန်တိုင်းဒေသကြီး၊ သာကေတမြို့နယ်ရှိ ပြည်ထောင်စု တိုင်းရင်းသားကျေးရွာ (ရန်ကုန်) အစည်းအဝေးခန်းမ၌ ဂျပန်-မြန်မာ ယဉ်ကျေးမှု မြှင့်တင်ရေးအဖွဲ့ရေးမှ တာဝန်ရှိသူများနှင့် တွေ့ဆုံတွေးနွေးခဲ့ပါသည်။ တွေ့ဆုံပွဲသို့ ပြည်ထောင်စုဝန်ကြီးနှင့်အတူ ကရင်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးစန်းကို၊ တနင်္သာရီတိုင်း ဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောမာတင်လူသာ၊ ရန်ကုန်တိုင်း ဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောဂျက်ကော့ထူး ညွှန်ကြားရေးမှူးချုပ်များ၊ ဒုတိယညွှန်ကြား ရေးမှူးချုပ်များ၊ ဂျပန်-မြန်မာ ယဉ်ကျေးမှုမြှင့်တင်ရေးအဖွဲ့ရေးမှ ကိုယ်စားလှယ်များနှင့်တာဝန်ရှိသူများ တက်ရောက်ကြပါသည်။ပထမဦးစွာ ဂျပန်-မြန်မာ ယဉ်ကျေးမှုမြှင့်တင်ရေးအဖွဲ့ရေးအဖွဲ့ကိုယ်စား ဦးမိုးမင်းဦး (ခ)ဦးရွှေသွေးက လာရောက်တွေ့ဆုံရခြင်း၊ ဂျပန်-မြန်မာ ချစ်ကြည်ရေးအထိမ်းအမှတ် ဆာကူရာပန်းပင်စိုက်ပျိုးပွဲကျင်းပရခြင်းနှင့် ပတ်သက်၍ ရှင်းလင်းတင်ပြခဲ့ပြီး Mr. HATANO HiROSHI က ဆွေးနွေးပြောကြားခဲ့ပါသည်။၎င်းနောက် ပြည်ထောင်စုဝန်ကြီး ဦးစောထွန်းအောင်မြင့်က ဆွေးနွေးပြောကြား ရာတွင် မြန်မာနိုင်ငံနှင့် ဂျပန်နိုင်ငံသည် ယခင်ကတည်းက ကောင်းမွန်သောဆက်ဆံရေး ရှိခဲ့ပြီးဖြစ်၍ ဆက်လက်ပြီး ပိုမိုကောင်းမွန်အောင် ဆက်လက်ကြိုးစားသွားကြရမည် ဖြစ်ပါကြောင်း၊ မိမိတို့မြန်မာနိုင်ငံရှိ တိုင်းရင်းသားဒေသများတွင် ဖွံ့ဖြိုးတိုးတက်မှု နည်း ပါးနေသဖြင့် တိုင်းရင်းသားလူငယ်လူရွယ်များ အလုပ်အကိုင်အခွင့်အလမ်းများ ရရှိအောင် မိမိတို့ဝန်ကြီးဌာနအနေဖြင့် ကြိုးစားဆောင်ရွက်လျက်ရှိပါကြောင်း၊ မဲခေါင်-လန်ချန်းပူးပေါင်းဆောင်ရွက်မှုအစီအစဉ်ဖြင့် မိမိကိုယ်တိုင်ဦးဆောင်ပြီး ဝန်ကြီးဌာနမှ ကိုယ်စားလှယ်အဖွဲ့များနှင့် ထိုင်းနိုင်ငံသို့သွားရောက်ခဲ့ရာ ထိုင်းနိုင်ငံ၏ ယဉ်ကျေးမှု အမွေအနှစ်များ ထိန်းသိမ်းထားရှိသည့် ကောင်းမွန်သောစနစ်ကိုမြင်တွေ့ခဲ့ရပါကြောင်း၊ မည်သည့်နိုင်ငံမဆို ငြိမ်းချမ်းရေးသည် လွန်စွာအရေးကြီးပါကြောင်း၊ တိုင်းသူ ပြည်သားများ စည်းလုံးမှ ငြိမ်းချမ်းမည်၊ ငြိမ်းချမ်းမှ နိုင်ငံတော်ကြီးဖွံ့ဖြိုးတိုးတက်မည်ဖြစ်ပါကြောင်း၊ မြန်မာနိုင်ငံအတွင်း မှီတင်းနေထိုင်ကြသောတိုင်းရင်းသားများသည် အရောင်အသွေးမရှိ၊ ပါတီစွဲ၊ ပုဂ္ဂိုလ်စွဲမထားဘဲ မိမိတို့နိုင်ငံ၊ မိမိတို့လူမျိုးအတွက် ကြိုးစားဆောင်ရွက်ပါက တိုင်းပြည်ဖွံ့ဖြိုးတိုးတက်မည်ဖြစ်ပါကြောင်း၊ မြန်မာ-ဂျပန် ချစ်ကြည်ရေးဆိုသည်မှာလည်း မေတ္တာတရားပင်ဖြစ်ပါကြောင်း၊ ဆာကူရာပန်းပင်ကို မေတ္တာနှင့်စိုက်ပျိုးခြင်းဖြင့် မေတ္တာပွားများပြီး ငြိမ်းချမ်းကြပါစေကြောင်း ပြောကြားခဲ့ပါသည်။၎င်းနောက် ပြည်ထောင်စုဝန်ကြီး ဦးစောထွန်းအောင်မြင့်၊ ကရင်ပြည်နယ်အစိုးရ အဖွဲ့ဝင် တိုင်းရင်းသားရေးရာဝန်ကြီး ဦးစန်းကို၊ တနင်္သာရီတိုင်းဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောမာတင်လူသာ၊ ရန်ကုန်တိုင်းဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောဂျက်ကော့ထူး၊ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များ၊ ဂျပန်-မြန်မာ ယဉ်ကျေးမှုမြှင့်တင်ရေးအဖွဲ့မှ ကိုယ်စားလှယ် များက ပြည်ထောင်စုတိုင်းရင်းသားကျေးရွာ (ရန်ကုန်)အတွင်းရှိ နန်းမြင့်မျှော်စင်အနီးတွင် ဆာကူရာ ပန်းပင်များစိုက်ပျိုးပေးကြကာ စုပေါင်းမှတ်တမ်းတင်ဓါတ်ပုံများ ရိုက်ကူးကြ ပါသည်။ ယင်းနောက် ပြည်ထောင်စုဝန်ကြီး၊ တိုင်းရင်းသားရေးရာဝန်ကြီးများ၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် ဧည့်သည်တော်များသည် ပြည်ထောင်စုတိုင်းရင်းသားကျေးရွာ(ရန်ကုန်) ခန်းမအတွင်းတွင် တိုင်းရင်းသားရိုးရာ ယဉ်ကျေးမှုအကအလှများကို ကြည့်ရှုအားပေးခဲ့ရာ ပြည်ထောင်စုကြီးအတွင်း၌ တိုင်းရင်းသားလူမျိုးများသည် ညီအစ်ကိုမောင်နှမများသဖွယ် စည်းလုံးညီညွတ်ပြီး ချစ်ခင် ပျော်ရွှင်စွာနှင့် စုပေါင်းနေထိုင်ကြသည်ကို ဂုဏ်ယူဝမ်းမြောက်ပါကြောင်း ဖော်ကျူးထားသည့် “သွေးချင်းတို့ဌာနေ ပြည်မာပြည်” သီချင်းဖြင့် တိုင်းရင်းသား/တိုင်းရင်းသူများက ကပြဖျော်ဖြေပြီး ဒေါ်နန်းကျော့စံက မွန်ရိုးရာ မိကျောင်းတူရိယာဖြင့် တီးခတ်ဖျော်ဖြေ တင်ဆက်ကာ ကရင်ပြည်နယ်ကိုအလည်တစ်ခေါက်လာရောက်ကြဖို့ဖိတ်ခေါ်လျက် ကရင် တိုင်းရင်းသားတို့၏ သွေးစည်းညီညွတ်ခြင်းကို ဖော်ထုတ်ပြသသော ကရင်ဒုံးယိမ်းအကဖြင့် ကပြဖျော်ဖြေခဲ့ပါသည်။ ၎င်းနောက် ပြည်ထောင်စုဝန်ကြီး၊ တိုင်းရင်းသားရေးရာ ဝန်ကြီးများနှင့် ဧည့်သည်တော်များက ယဉ်ကျေးမှုအကအဖွဲ့များကို ဂုဏ်ပြုဆုငွေများ ပေးအပ်ချီးမြှင့်ကာ စုပေါင်းမှတ်တမ်းတင်ဓါတ်ပုံများ ရိုက်ကူးကြပါသည်။ထို့နောက် ပြည်ထောင်စုဝန်ကြီးနှင့်အဖွဲ့ဝင်များ၊ ဧည့်သည်တော်များသည် ပြည်ထောင်စုတိုင်းရင်းသားကျေးရွာ (ရန်ကုန်)အတွင်း ဆိပ်ခံဗောတံတားတည်ဆောက် ပြီးစီးမှုအခြေအနေများ၊ Pontoon ပြုပြင်တည်ဆောက်ပြီးစီးမှုအခြေအနေများကို သွားရောက်ကြည့်ရှုစစ်ဆေးခဲ့ပြီး သတ်မှတ်ကာလအတွင်း တည်ဆောက်ပြီးစီးနိုင်ရေး တာဝန်ရှိသူများအား လမ်းညွှန်မှာကြားခဲ့ကြောင်း သိရှိရပါသည်။

• 24 January 2023

  မဲခေါင်-လန်ချန်းနိုင်ငံများအကြား တိုင်းရင်းသားရိုးရာ ယဉ်ကျေးမှုဓလေ့ထုံးတမ်းများကို ဖလှယ်ရန်၊ တိုင်းရင်းသားရေးရာမူဝါဒနှင့် အခွင့်အရေးဆိုင်ရာများအား လေ့လာရန်နှင့်မျှဝေရန်၊ မဲခေါင်ဒေသအတွင်းရှိ တိုင်းရင်းသားလူမျိုးများအကြား ချိတ်ဆက်ဆောင်ရွက်နိုင်သော ကွန်ယက် တစ်ခုဖြစ်ပေါ်စေရန်၊ မဲခေါင်ဒေသအတွင်းရှိနိုင်ငံများအကြား အပြန်အလှန်နားလည်မှု တိုးတက် လာစေရန်ရည်ရွယ်၍ မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေ (၂၀၂၀) အထောက် အပံ့ဖြင့် ၂၀၂၃ ခုနှစ် ဇန်နဝါရီလ (၁၈) ရက်နေ့မှ (၂၄) ရက်နေ့အထိ  တိုင်းရင်းသားရေးရာ ယဉ်ကျေးမှုဖလှယ်ရေးအစီအစဉ်(ဒုတိယအကြိမ်)ဖြင့် ထိုင်းနိုင်ငံတွင် ရောက်ရှိနေသော တိုင်းရင်း သားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးစောထွန်းအောင်မြင့်သည် ထိုင်းနိုင်ငံ၊ လူမှုဘဝလုံခြုံရေးနှင့် ဖွံ့ဖြိုးတိုးတက်ရေးဝန်ကြီးဌာန ဝန်ကြီး H.E. Mr. Chuti Krairiksh အား ဒေသစံတော်ချိန် မွန်းလွဲ ၃ : ၀၀ နာရီအချိန်၌ သွားရောက်တွေ့ဆုံပါသည်။ ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ ကရင်ပြည်နယ်အစိုးအဖွဲ့ တိုင်းရင်းသားရေးရာဝန်ကြီး ဦးစန်းကို၊ တနင်္သာရီတိုင်းဒေသကြီးအစိုးရအဖွဲ့  တိုင်းရင်းသားရေးရာ ဝန်ကြီး ဦးစောမာတင်လူသာ၊ ထိုင်းနိုင်ငံဆိုင်ရာမြန်မာသံရုံးမှ သံအမတ်ကြီး ဦးချစ်ဆွေနှင့် သံမှူးကြီး ဦးမော်ဗလ၊ တိုင်းရင်းသားလူမျိုးများရေးရာဝန်ကြီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ထိုင်းနိုင်ငံလူမှုဘဝလုံခြုံရေးနှင့် ဖွံ့ဖြိုးတိုးတက်ရေးဝန်ကြီးဌာနမှ အမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်နှင့် တာဝန်ရှိသူများ တက်ရောက်ခဲ့ကြပါသည်။တွေ့ဆုံစဉ် ထိုင်းနိုင်ငံနှင့် မြန်မာနိုင်ငံ၏ရှိရင်းစွဲဆက်ဆံရေးနှင့် မိတ်ဖက်ဆက်ဆံရေးကို ပိုမိုကောင်းမွန်စေရန် ဆောင်ရွက်သွားရေးကိစ္စရပ်များ၊ တိုင်းရင်းသားရိုးရာ ယဉ်ကျေးမှုဓလေ့ ထုံးတမ်းများ ဖလှယ်ရေးကိစ္စရပ်များ၊ တိုင်းရင်းသားလူမျိုးများ အပြန်အလှန် အကျိုးကျေးဇူး ရရှိစေရေးအတွက် နှစ်နိုင်ငံဝန်ကြီးဌာနအချင်းချင်း ပူးပေါင်းဆောင်ရွက်သွားနိုင်ရေးကိစ္စရပ်များ၊ မဲခေါင်-လန်ချန်း ဒေသတွင်းနိုင်ငံများ၏ လူမှုစီးပွားဘဝ ဖွံ့ဖြိုးတိုးတက်ရေးကို အထောက်အကူ ပြု၍ သာယာဝပြောရေးကို တိုးမြှင့်နိုင်မည့်ကိစ္စရပ်များအား ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိပါသည်။

• 22 January 2023

မဲခေါင်-လန်ချန်းနိုင်ငံများအကြား တိုင်းရင်းသားရိုးရာ ယဉ်ကျေးမှုဓလေ့ထုံးတမ်းများကို ဖလှယ်ရန်၊ တိုင်းရင်းသားရေးရာမူဝါဒနှင့် အခွင့်အရေးဆိုင်ရာများအား လေ့လာရန်နှင့်မျှဝေရန်၊ မဲခေါင်ဒေသအတွင်းရှိ တိုင်းရင်းသားလူမျိုးများအကြား ချိတ်ဆက်ဆောင်ရွက်နိုင်သော ကွန်ယက် တစ်ခုဖြစ်ပေါ်စေရန်၊ မဲခေါင်ဒေသအတွင်းရှိနိုင်ငံများအကြား အပြန်အလှန်နားလည်မှု တိုးတက် လာစေရန်ရည်ရွယ်၍ မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေ (၂၀၂၀) အထောက် အပံ့ဖြင့် ၂၀၂၃ ခုနှစ် ဇန်နဝါရီလ (၁၈) ရက်နေ့မှ (၂၄) ရက်နေ့အထိ  တိုင်းရင်းသားရေးရာ ယဉ်ကျေးမှုဖလှယ်ရေးအစီအစဉ်(ဒုတိယအကြိမ်)ဖြင့် ထိုင်းနိုင်ငံတွင် ရောက်ရှိနေသော တိုင်းရင်း သားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးစောထွန်းအောင်မြင့်သည်ခရီးစဉ်အစီအစဉ်အရ ၂၁-၁-၂၀၂၃ရက်နေ့တွင် ဘန်ကောက်မြို့မှ ချင်းမိုင်မြို့သို့ လေယာဉ်ခရီးစဉ်ဖြင့်သွားရောက်ခဲ့ပါသည်။ ချင်းမိုင်မြို့သို့ရောက်ရှိလာသည့်ပြည်ထောင်စုဝန်ကြီးဦးစောထွန်းအောင်မြင့်အား ချင်းမိုင် ပြည်နယ် ဒုတိယအုပ်ချုပ်ရေးမှူး Mr. Wiraphong Rhitrot နှင့်အဖွဲ့က ဒေသ စံတော်ချိန် နံနက် ၁၀ နာရီအချိန်၌ ချင်းမိုင် အပြည်ပြည်ဆိုင်ရာလေဆိပ် ဧည့်ခန်းမဆောင်တွင် လာရောက် ဂါရဝ ပြုတွေ့ဆုံပါသည်။ ထိုသို့ တွေ့ဆုံရာတွင် ပြည်ထောင်စုဝန်ကြီးနှင့်အတူ ကရင်ပြည်နယ်အစိုးအဖွဲ့ တိုင်းရင်းသားရေးရာဝန်ကြီး ဦးစန်းကို၊ တနင်္သာရီတိုင်းဒေသကြီးအစိုးရအဖွဲ့  တိုင်းရင်းသားရေးရာ ဝန်ကြီး ဦးစောမာတင်လူသာ၊ တိုင်းရင်းသားလူမျိုးများရေးရာဝန်ကြီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်နှင့် ထိုင်းနိုင်ငံဆိုင်ရာ မြန်မာကောင်စစ်ဝန်ချုပ်ရုံးမှ ကောင်စစ်ဝန်ချုပ် ဦးအောင်ကျော်လင်းနှင့် တာဝန်ရှိသူများ တက်ရောက်ခဲ့ကြပါသည်။တွေ့ဆုံစဉ် နှစ်နိုင်ငံ ရှိရင်းစွဲချစ်ကြည်ရင်းနှီးမှုများကို ပိုမိုတိုးမြှင့်ဆောင်ရွက်ရေးကိစ္စ ရပ်များ၊ မြန်မာ-ထိုင်း နှစ်နိုင်ငံရှိ တိုင်းရင်းသားလူမျိုးများ၏ လူမှုစီးပွားဘဝ ဖွံ့ဖြိုးတိုးတက်ရေး အတွက် အနာဂတ်တွင် အတူတကွပူးပေါင်းဆောင်ရွက်နိုင်ရေးကိစ္စရပ်များ၊ နှစ်နိုင်ငံ ယဉ်ကျေးမှု ဖလှယ်ရေးကိစ္စရပ်များနှင့် သက်မွေးဝမ်းကျောင်းနည်းပညာဖလှယ်ရေးကိစ္စရပ်များကို ရင်းနှီး ပွင့်လင်းစွာ အမြင်ချင်းဖလှယ် ဆွေးနွေးခဲ့ကြကပါသည်။ ကိုယ်စားလှယ်အဖွဲ့သည် ချင်းမိုင် အမျိုးသားပြတိုက်နှင့် Lanna Traditional House Museum တို့သို့ သွားရောက်လေ့လာခဲ့ကြောင်းသတင်းရရှိပါသည်။

• 19 January 2023

 မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေ(၂၀၂၀)ဖြင့် တိုင်းရင်းသားရေးရာ ယဉ်ကျေးမှုဖလှယ်ရေးအစီအစဉ်အရ တိုင်းရင်းသားရေးရာ မူဝါဒနှင့် ယဉ်ကျေးမှုဖလှယ်ရေး ဆွေးနွေးပွဲ ဖွင့်ပွဲအခမ်းအနားကို ယနေ့နံနက်ပိုင်း၌ ထိုင်းနိုင်ငံ၊ ဘန်ကောက်မြို့၊ Ambassador Hotel တွင် ကျင်းပပြုလုပ်ရာ တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စု ဝန်ကြီး ဦးစောထွန်းအောင်မြင့်၊ ကရင်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးစန်းကို၊ တနင်္သာရီတိုင်းဒေသကြီး အစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောမာတင်လူသာ၊ ဝန်ကြီးဌာနမှကိုယ်စားလှယ်များနှင့် ထိုင်းနိုင်ငံ၊ လူမှုဘဝ လုံခြုံရေးနှင့် ဖွံ့ဖြိုးတိုးတက်ရေးဝန်ကြီးဌာန၊ နိုင်ငံခြားရေးဝန်ကြီးဌာန၊ တရားရေးဝန်ကြီးဌာန၊ ပြည်ထဲရေး ဝန်ကြီးဌာန၊ မဲခေါင်-လန်ချန်းဒေသတွင်း နိုင်ငံများ၏ သံရုံးများမှတာဝန်ရှိသူများ၊ ထိုင်းနိုင်ငံ ဆိုင်ရာ မြန်မာနိုင်ငံသံရုံးမှ သံအမတ်ကြီးဦးချစ်ဆွေ၊ သံရုံးတာဝန်ခံများနှင့် တာဝန်ရှိသူများ တက်ရောက်ခဲ့ကြပါသည်။ အဆိုပါဖွင့်ပွဲအခမ်းအနားတွင် ထိုင်းနိုင်ငံ၊ လူမှုဘဝလုံခြုံရေးနှင့် ဖွံ့ဖြိုးတိုးတက်ရေး ဝန်ကြီးဌာန၊ အကြီးအကဲ Mr.Anan Dontree က ကြိုဆိုနှုတ်ခွန်းဆက်စကား ပြောကြား ပါသည်။ထို့နောက်ထိုင်းနိုင်ငံ၊ နိုင်ငံခြားရေးဝန်ကြီးဌာနမှ ဒုတိယအမြဲတမ်း အတွင်းဝန်  Ms. Phantipha Iamsudha Ekarohit က အမှာစကားပြောကြားပါသည်။  ဆက်လက်၍ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးစောထွန်းအောင်မြင့်က အဖွင့်မိန့်ခွန်းပြောကြားရာတွင် မဲခေါင်-လန်ချန်းပူးပေါင်း ဆောင်ရွက်မှု (၂၀၂၀)ဖြင့် ဆောင်ရွက်သည့် ယခု အစီအစဉ်သည် မြန်မာနိုင်ငံနှင့် ထိုင်းနိုင်ငံတို့အကြား တိုင်းရင်းသားရေးရာ ယဉ်ကျေးမှုများနှင့် ချမှတ်ထားသည့် မူဝါဒများကို အပြန်အလှန် မျှဝေ လေ့လာဖလှယ်နိုင်ရေးကို ရည်ရွယ်ပါကြောင်း၊ မဲခေါင်-လန်ချန်း ပူးပေါင်း ဆောင်ရွက်မှု(၂၀၂၁) တွင်လည်း မြန်မာနိုင်ငံ၊ ရှမ်းပြည်နယ်၊ တောင်ကြီးမြို့တွင် “တိုင်းရင်းသားရေးရာနှင့် သက်မွေး ပညာသင်တန်းစင်တာ” အဆောက်အဦကို အကောင်အထည်ဖော် ဆောင်ရွက်လျက်ရှိပါကြောင်း၊  မြန်မာနိုင်ငံအစိုးရအနေဖြင့်လည်း အထူးအလေးထားပြီး လိုအပ်ချက်များကို ဖြည့်ဆည်းပေး လျက်ရှိပါကြောင်း၊ အဆိုပါ အဆောက်အဦ တည်ဆောက်ပြီးစီးပါက မဲခေါင်နိုင်ငံများအကြား သက်မွေးဝမ်းကျောင်း နည်းပညာများဖလှယ်ရေး ဆောင်ရွက်နိုင်ရန် ထိုင်းနိုင်ငံ လူမှုဘဝ  လုံခြုံရေးနှင့် ဖွံ့ဖြိုးတိုးတက်ရေးဝန်ကြီးဌာနနှင့် ဆက်လက် ပူးပေါင်း ဆောင်ရွက်သွားလိုပါ ကြောင်း၊ ယခု ဆွေးနွေးပွဲတွင် နှစ်နိုင်ငံ တိုင်းရင်းသားလူမျိုးများ၏ လူမှုစီးပွားဘဝများ ဖွံ့ဖြိုးတိုးတက်ရေးအတွက် အနာဂတ်တွင် အတူတကွ ပူးပေါင်းဆောင်ရွက်နိုင်ရန် အပြန်အလှန် အမြင်ချင်း ဖလှယ် ဆွေးနွေးကြ စေလိုပါကြောင်း ပြောကြားပါသည်။ယင်းနောက် တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာန၊ ဒုတိယညွှန်ကြားရေးမှူးချုပ် ဒေါ်နန်းလောင်ဟွမ်က မဲခေါင်-လန်ချန်း ပူးပေါင်းဆောင်ရွက်မှု စီမံချက်နှင့်စပ်လျဉ်း၍ ရှင်းလင်းဆွေးနွေးခဲ့ပါသည်။ ထို့နောက် ဂုဏ်ပြုအမှတ်တရလက်ဆောင်များပေးအပ်ခဲ့ကြပြီး ကိုယ်စားလှယ်များနှင့် ဧည့်သည်တော်များက စုပေါင်းမှတ်တမ်းတင်ဓါတ်ပုံရိုက်ကူးကာ နံနက်ပိုင်း ဖွင့်ပွဲ အခမ်းအနား ကို ရုပ်သိမ်းခဲ့ပါသည်။ ထို့နောက် အခမ်းအနားဆက်လက်ကျင်းပရာ  တိုင်းရင်းသားလူမျိုးများရေးရာဝန်ကြီး  ဌာန၊ ဒုတိယအမြဲတမ်းအတွင်းဝန် ဦးဇော်ထွန်းက တိုင်းရင်းသားလူမျိုးများရေးရာဝန်ကြီးဌာန၏ လုပ်ငန်းဆောင်ရွက်ချက်များကိုလည်းကောင်း၊ ထိုင်းနိုင်ငံ၊ လူမှုဘဝလုံခြုံရေးနှင့် ဖွံ့ဖြိုးတိုးတက် ရေးဝန်ကြီးဌာနမှ အကြီးအကဲ Mr. Mak Srikhao က The Concept of Highland People Development ခေါင်းစဉ်ဖြင့်လည်းကောင်း၊ တိုင်းရင်းသားအခွင့်အရေးများ ကာကွယ် စောင့်ရှောက်ရေးဦးစီးဌာနမှ ညွှန်ကြားရေးမှူး ဦးမောင်မောင်ဦးက တိုင်းရင်းသားရေးရာ မူဝါဒနှင့် အခွင့်အရေးများအကြောင်းကိုလည်းကောင်း၊ ထိုင်းနိုင်ငံ၊ ပြည်ထဲရေးဝန်ကြီးဌာန၊ တရားမဝင်ရွှေ့ပြောင်းနေထိုင်သူများနှင့် နေရပ်စွန့်ခွာသူများဆိုင်ရာ မူဝါဒပေါင်းစပ် ညှိနှိုင်းရေးမှူး Ms. Monhathai Rattananupong နှင့် ထိုင်းလူမျိုးမဟုတ်သူများ မှတ်ပုံတင်ရေး ဆိုင်ရာ အုပ်ချုပ်ရေးအရာရှိ Mr. Woraphong Janmanajarean တို့က ဌာန၏ ဆောင်ရွက် လျက်ရှိသည့် လုပ်ငန်းတာဝန်များနှင့် ဆောင်ရွက်ချက်များကိုလည်းကောင်း၊ တိုင်းရင်းသား စာပေနှင့် ယဉ်ကျေးမှုဦးစီးဌာနမှ ညွှန်ကြား‌ရေးမှူးချုပ်၊ ဦးဝင်းနိုင်က မြန်မာနိုင်ငံရှိ တိုင်းရင်းသားလူမျိုးစုများ၏ ယဉ်ကျေးမှု ပွဲတော်များအကြောင်းကိုလည်းကောင်း၊ ထိုင်းနိုင်ငံ၊ တရားရေးရာဝန်ကြီးဌာနမှ တရား‌ရေး အရာရှိ Ms. Siriorn Aromdee Justice Officer, Practioner Level, Rights and Liberties Protection Department က Promoting access to Justice towards Ethnic Groups in Thailand ကိုလည်းကောင်း၊ တိုင်းရင်းသားစာပေနှင့် ယဉ်ကျေးမှုဦးစီးဌာနမှ ဒုတိယညွှန်ကြား‌ရေးမှူးချုပ်၊ ဦးမင်းသူရအောင်က မြန်မာနိုင်ငံရှိ တိုင်းရင်းသားလူမျိုးများ၏ ယဉ်ကျေးမှုများအကြောင်းကိုလည်းကောင်း၊ ထိုင်းနိုင်ငံ ယဉ်ကျေးမှု ဝန်ကြီးဌာနမှ Mr. Apinan Thammmasena က တိုင်းရင်းသားများ၏ အသက်မွေးဝမ်း ကျောင်းမှု ကာကွယ်ရေးနှင့် မြှင့်တင်ရေးဆိုင်ရာ လမ်းညွှန်ချက်များနှင့် စပ်လျဉ်း၍  Powerpoint များဖြင့် အသီးသီး ရှင်းလင်းတင်ပြကြပါသည်။ ဆက်လက်၍ နှစ်နိုင်ငံ တက်ရောက်လာကြသူများက အထွေထွေဆွေးနွေးကြပြီး တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီးက ကျေးဇူးတင်စကား ပြောကြားပါသည်။ ထို့နောက် တက်ရောက်လာကြသူများက စုပေါင်းမှတ်တမ်းတင် ဓါတ်ပုံ ရိုက်ကူးခဲ့ကြကာ အခမ်းအနားပြီးဆုံးခဲ့ကြောင်းသိရှိရပါသည်။

• 18 January 2023

 မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေ (၂၀၂၀)ဖြင့် ထိုင်းနိုင်ငံတွင် ကျင်းပပြုလုပ်မည့် တိုင်းရင်းသားရေးရာ ယဉ်ကျေးမှုဖလှယ်ရေးအစီအစဉ် (ဒုတိယအကြိမ်) သို့တက်ရောက်ရန်အတွက်တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး ဦးစောထွန်းအောင်မြင့် ဦးဆောင်၍  ကရင်ပြည်နယ်အစိုးရအဖွဲ့ဝင် တိုင်းရင်းသား ရေးရာဝန်ကြီး ဦးစန်းကို၊ တနင်္သာရီတိုင်းဒေသကြီးအစိုးရအဖွဲ့ဝင် တိုင်းရင်းသားရေးရာ ဝန်ကြီး ဦးစောမာတင်လူသာနှင့် တိုင်းရင်းသားလူမျိုးများရေးရာဝန်ကြီးဌာနမှ အရာထမ်း၊အမှုထမ်းတို့ လိုက်ပါသည့် မြန်မာကိုယ်စားလှယ်အဖွဲ့သည် ယနေ့ နေ့လယ်ပိုင်းတွင် ရန်ကုန် အပြည်ပြည်ဆိုင်ရာလေဆိပ်မှတစ်ဆင့် မြန်မာ့အမျိုးသားလေကြောင်းလိုင်းဖြင့် ထိုင်းနိုင်ငံသို့ ထွက်ခွါခဲ့ရာ တိုင်းရင်းသားလူမျိုးများရေးရာဝန်ကြီးဌာန၊ ဒုတိယဝန်ကြီး ဦးဇော်အေးမောင်နှင့် တာဝန်ရှိသူများ လိုက်ပါပို့ဆောင်နှုတ်ဆက်ကြပါသည်။ယခုသွားရောက်မည့် တိုင်းရင်းသားရေးရာယဉ်ကျေးမှုဖလှယ်ရေးအစီအစဉ် (ဒုတိယ အကြိမ်)သည် မဲခေါင်-လန်ချန်းနိုင်ငံများအကြား တိုင်းရင်းသားရိုးရာယဉ်ကျေးမှုဓလေ့ ထုံးတမ်းများဖလှယ်ကြရန်၊ တိုင်းရင်းသားရေးရာမူဝါဒနှင့် အခွင့်အရေးဆိုင်ရာများအား လေ့လာကြရန်နှင့် မျှဝေကြရန်၊ မဲခေါင်ဒေသအတွင်းရှိ တိုင်းရင်းသားလူမျိုးများအကြား ချိတ်ဆက်ဆောင်ရွက်နိုင်သော ကွန်ယက်တစ်ခုဖြစ်ပေါ်လာစေရန်၊ မဲခေါင်ဒေသအတွင်းရှိ နိုင်ငံများအကြား အပြန်အလှန်နားလည်မှုတိုးတက်လာစေရန်ရည်ရွယ်၍ ၂၀၂၃ ခုနှစ် ဇန်နဝါရီလ (၁၈) ရက်နေ့မှ (၂၄) ရက်နေ့အထိ သွားရောက်ကြမည်ဖြစ်ပါသည်။ တိုင်းရင်းသားရေးရာယဉ်ကျေးမှုဖလှယ်ရေးအစီအစဉ် ပထမအကြိမ်ကို ၂၀၂၂ ခုနှစ် နိုဝင်ဘာလ (၂၇) ရက်နေ့မှ ဒီဇင်ဘာလ (၃) ရက်နေ့အထိ လာအိုပြည်သူ့သမ္မတနိုင်ငံတွင် ကျင်းပပြုလုပ်ခဲ့ပြီး ဒုတိယဝန်ကြီး ဦးဇော်အေးမောင် ဦးဆောင်သော ကိုယ်စားလှယ်အဖွဲ့ သွားရောက်ခဲ့ကြောင်းလည်း သိရှိရပါသည်။

• 12 January 2023

 မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေ (၂၀၂၀) အထောက်အပံ့ဖြင့်  ၂၀၂၂ ခုနှစ်၊ ဇန်နဝါရီလ (၁၈) ရက်နေ့မှ ဇန်နဝါရီလ (၂၄) ရက်နေ့အထိ ထိုင်းနိုင်ငံသို့ ဒုတိယအကြိမ် တိုင်းရင်းသားရေးရာ ယဉ်ကျေးမှုဖလှယ်ရေးအစီအစဉ်ဖြင့် သွားရောက်မည့် ကိုယ်စားလှယ် အဖွဲ့အား ဩဝါဒအမှာစကားပြောကြားသည့် အခမ်းအနားကို ယနေ့ မွန်လွဲပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်ရာ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးစောထွန်းအောင်မြင့်၊ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ တက်ရောက် ကြပါသည်။ပြည်ထောင်စုဝန်ကြီးမှ ဩဝါဒအမှာစကားပြောကြားရာ၌ ယခုကဲ့သို့ နိုင်ငံခြားခရီးစဉ်များ သွားရောက်ရခြင်းမှာ မိမိတို့၏အိမ်နီးချင်းနိုင်ငံများနှင့် ရင်းနှီးသည့်ဆက်ဆံရေးရရှိစေရန်၊ မဲခေါင်-လန်ချန်းနိုင်ငံများအကြား တိုင်းရင်းသားရိုးရာယဉ်ကျေးမှု ဓလေ့ထုံးတမ်းများကို ဖလှယ်ရန်၊ တိုင်းရင်းသားရေးရာမူဝါဒနှင့် အခွင့်အရေးဆိုင်ရာများအားလေ့လာရန်နှင့်မျှဝေရန်၊ မဲခေါင်ဒေသအတွင်းရှိ တိုင်းရင်းသားလူမျိုးများအကြား ချိတ်ဆက်ဆောင်ရွက်နိုင်သော ကွန်ယက်တစ်ခုဖြစ်ပေါ်စေရန်၊ မဲခေါင်ဒေသအတွင်းရှိနိုင်ငံများအကြား အပြန်အလှန်  နားလည်မှု တိုးတက်လာစေရန်နှင့် နိုင်ငံခြားအတွေ့အကြုံရရှိရန်ရည်ရွယ်၍  ဝန်ကြီးဌာနမှ ကိုယ်စားလှယ်များအား စေလွှတ်ရခြင်းဖြစ်ပါကြောင်း၊  ယခင် ဒုတိယဝန်ကြီး ဦးဆောင်သည့် (၂၇) ဦး ပါ ကိုယ်စားလှယ်အဖွဲ့ ပထမအကြိမ်ခရီးစဉ်အဖြစ် လာအိုနိုင်ငံသို့စေလွှတ်ခဲ့ပြီးဖြစ် ပါကြောင်း၊  ယခု ဒုတိယအကြိမ်အဖြစ် ထိုင်းနိုင်ငံသို့ သွားရောက်မည်ဖြစ်ပြီး ကိုယ်စားလှယ်များ အနေဖြင့် ခရီးစဉ်တစ်လျှောက် စနစ်တကျ၊ စည်းကမ်းရှိရှိ နေထိုင်သွားလာစေလိုပါကြောင်း၊ စည်းလုံးခြင်းသည်အင်အား ဆိုသည့်စကားအတိုင်း စည်းလုံးလျှင် အောင်မြင်မည်ဖြစ်ပါကြောင်း၊ မိမိတို့ဝန်ကြီးဌာန၏ပန်းတိုင်မှာ တိုင်းရင်းသားစည်းလုံးညီညွတ်ရေးနှင့် ငြိမ်းချမ်းရေးတို့ဖြစ်ပြီး နိုင်ငံတော်ကြီး ငြိမ်းချမ်းသာယာဝပြောစေရေး ဝိုင်းဝန်းဆောင်ရွက်ကြစေလိုပါကြောင်း မှာကြားပါသည်။ဆက်လက်၍ ဒုတိယဝန်ကြီး ဦးဇော်အေးမောင်က ခရီးစဉ်နှင့်ပတ်သက်၍ မှာကြား ရာတွင် ယခုခရီးစဉ်သည် မဲခေါင်-လန်ချန်းပူးပေါင်းဆောင်ရွက်မှုအရ သွားရောက်သည့် စီမံကိန်းဖြစ်ခြင်းကြောင့် ကိုယ်စားလှယ်အဖွဲ့ဝင်များသည် မိမိနိုင်ငံ၊ မိမိဌာနကို ကိုယ်စားပြု သွားရောက်ခြင်းဖြစ်ပါကြောင်း၊ ခရီးစဉ်နှင့်ပတ်သက်၍ ဆောင်ရွက်မှုများကို စနစ်တကျ မှတ်တမ်းပြုရန်နှင့်  ထိုင်းနိုင်ငံ၏ ဒြပ်ရှိဒြပ်မဲ့ ယဉ်ကျေးမှုများကိုလည်း လေ့လာခဲ့ကြရန် လိုပါကြောင်း၊ ကိုယ်စားလှယ်အဖွဲ့များအနေနှင့် ညီအစ်ကို မောင်နှမစိတ်ထားကာ အချင်းချင်း မေတ္တာဖြင့် ဖေးမကူညီကြရန် လိုအပ်ပါကြောင်း၊ ခရီးစဉ်အတွင်း ကျန်းမာရေး၊ စားသောက် နေထိုင်ရေး၊ လုံခြုံရေးတို့နှင့်ပတ်သက်၍ ဂရုစိုက်ရန်၊ မမေ့မလျော့ သတိရှိကြရန် လိုအပ် ပါကြောင်း မှာကြားပါသည်။ထို့နောက် ခရီးစဉ်သို့လိုက်ပါကြမည့် ကိုယ်စားလှယ်အဖွဲ့မှ တစ်ဦးချင်း မိတ်ဆက်ကြပြီး တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ ညွှန်ကြားရေးမှူးချုပ် ဦးမင်းအေးကိုက ခရီးစဉ်နှင့်ပတ်သက်၍ ရှင်းလင်းပြောကြားကာ အခမ်းအနားပြီးဆုံးခဲ့ပါသည်။  ဆက်လက်၍ အရာထမ်းလောင်းအခြေခံသင်တန်း၊ ပြည်သူ့ဝန်ထမ်းစီမံခန့်ခွဲမှု ဘွဲ့လွန် ဒီပလိုမာသင်တန်း အမှတ်စဉ် (၁၀) ကို တက်ရောက်အောင်မြင်ခဲ့ကြသည့် ဦးစီးအရာရှိ (၂၅)ဦး တို့အား မိတ်ဆက်တွေ့ဆုံခြင်းအခမ်းအနားကို ကျင်းပရာ ပြည်ထောင်စုဝန်ကြီးက မိမိတို့ဝန်ကြီးဌာနကိုဖွဲ့စည်းခဲ့သည်မှာ (၆) နှစ်ခန့်သာရှိပါကြောင်း၊ ဝန်ထမ်းအင်အားကို နှစ်စဉ် တိုးချဲ့ခေါ်ယူလျက်ရှိပါကြောင်း၊ တိုင်းဒေသကြီးနှင့် ပြည်နယ်များတွင် ညွှန်ကြားရေးမှူးရုံးများ ဖွင့်လှစ်ခဲ့ပြီးဖြစ်ပါကြောင်း၊ ရှမ်းပြည်နယ် တောင်ကြီးမြို့ (အေးသာယာ)တွင် တိုင်းရင်းသား ရေးရာနှင့် သက်မွေးပညာစင်တာကို ဆောက်လုပ်လျက်ရှိပြီး ပြည်ထောင်စုတိုင်းရင်းသား ကျေးရွာ (ရန်ကုန်) တွင် ဆိပ်ခံဗောတံတား တည်ဆောက်လျက်ရှိပါကြောင်း၊  ဦးစီးအရာရှိများ အနေဖြင့် မိမိအရည်အသွေးကို အမြဲမပြတ် မြှင့်တင်ကြိုးစားရန်လိုအပ်ပါကြောင်း၊ ဝန်ကြီးဌာန၏ လုပ်ထုံး လုပ်နည်းများ၊ မူဝါဒများ၊ ဥပဒေများ၊ စည်းမျဉ်း စည်းကမ်းများ၊ အမိန့် ညွှန်ကြားချက်များကိုလည်း သိရှိရန်လိုအပ်သကဲ့သို့ လိုက်နာဆောင်ရွက်ကြရန်နှင့် လုပ်ငန်းများ ဆောင်ရွက်ရာတွင်လည်း စေတနာထား ဆောင်ရွက်ရန်ကြလိုအပ်ပါကြောင်း၊ မိမိတို့ဌာနသည် တိုင်းရင်းသားလူမျိုးများရေးရာဝန်ကြီးဌာနဖြစ်သဖြင့် တိုင်းရင်းသားစည်းလုံးညီညွတ်ရေးနှင့် ငြိမ်းချမ်းရေးအတွက် ဝိုင်းဝန်းကြိုးပမ်းဆောင်ရွက်ကြရမည်ဖြစ်ပါကြောင်းပြောကြားပါသည်။ယင်းနောက် ဒုတိယဝန်ကြီးက ဦးစီးအရာရှိများအနေဖြင့် စီမံခန့်ခွဲရေးနှင့် ဘတ်ဂျက်ကို နိုင်နင်းရန်လိုအပ်ပါကြောင်း၊ နိုင်ငံတော်မှ ထုတ်ပြန်ထားသည့် ဘတ်ဂျက်ဆိုင်ရာညွှန်ကြားချက် ကိုလေ့လာထားစေလိုပါကြောင်း၊ ရုံးစာရေးသားနည်း၊ အစည်းအဝေးမှတ်တမ်းနှင့် မှတ်စု ရေးသားနည်းတို့ကိုလည်း ကျွမ်းကျင်ထားရှိရန် လိုအပ်ပါကြောင်း၊ နေ့စဉ်မှတ်တမ်းထားရှိ၍ တစ်နှစ်စာ အစီအစဉ်ရေးဆွဲပြီး ကြိုးစားပါက မိမိ၏ရည်မှန်းချက်ပန်းတိုင်သို့ ရောက်ရှိမည် ဖြစ်ပါကြောင်း၊ မိမိကိုယ်ကိုမိမိ Capacity Building တည်ဆောက်ပါက အောင်မြင်မှုရရှိပြီး ဌာန၏အခန်းကဏ္ဍလည်း မြင့်မားလာမည်ဖြစ်ပါကြောင်း၊ သို့ဖြစ်ရာ ဝန်ကြီးဌာန၏ ရည်မှန်းချက်၊ မျှော်မှန်းချက်များနှင့်အညီ  မိမိတို့၏ဌာနတိုးတက်ရန် အမြဲမပြတ်ကြံစည်၍ အကောင်အထည်ဖော် ဆောင်ရွက်စေကြလိုပါကြောင်း ပြောကြားပါသည်။၎င်းနောက် အသစ်ခန့်အပ်သည့် ဦးစီးအရာရှိများက တစ်ဦးချင်းမိတ်ဆက်ကြပြီး အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။

• 10 January 2023

 တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး ဦးစောထွန်းအောင်မြင့်၊ ပြည်နယ်ဝန်ကြီးချုပ် ဦးခက်ထိန်နန်၊ ဒုတိယဝန်ကြီး ဦးဇော်အေးမောင်နှင့် ကချင်ပြည်နယ် အစိုးရအဖွဲ့ဝင် တိုင်းရင်းသားရေးရာဝန်ကြီး ဦးကျော်မင်းခိုင်တို့သည် ဇန်နဝါရီလ (၉) ရက်နေ့ မွန်းလွဲ (၁:၀၀)နာရီတွင်   ကချင်ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအဖွဲ့များမှ ခေါင်းဆောင်များ၊ အဖွဲ့ဝင်များနှင့် မြစ်ကြီးနားမြို့၊ စီတာပူ မနောကွင်းရှိ မနောအိမ်တော်ခန်းမ၌ တွေ့ဆုံခဲ့ပါသည်။ တွေ့ဆုံစဉ် ပြည်ထောင်စုဝန်ကြီး ဦးစောထွန်းအောင်မြင့်က အဖွင့်အမှာစကား ပြောကြားရာတွင် ကချင်ပြည်သူ/ပြည်သားများ၏ စည်းလုံးညီညွတ်မှုကြောင့် ယခုလို (၇၅)နှစ်မြောက်စိန်ရတု ပြည့်မြောက်ခဲ့ပြီဖြစ်ပါကြောင်း၊ မိမိတို့တိုင်းပြည်သည် နယ်ချဲ့ အင်္ဂလိပ်တို့၏ သွေးခွဲအုပ်ချုပ်မှုကြောင့် လွတ်လပ်ရေးဆုံးရှုံးခဲ့သော်လည်း မိမိတို့ တိုင်းရင်းသားများ၏ စည်းလုံးညီညွတ်မှုကြောင့် လွတ်လပ်ရေးကိုရယူနိုင်ခဲ့ပါကြောင်း၊ မိမိတို့အနေဖြင့် တိုင်းပြည်တည်ငြိမ်အေးချမ်းရေးသည် အရေးကြီးသလို ကချင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးသည်လည်း ပြည်နယ်အတွင်းရှိ ကချင် မျိုးနွယ်စု (၆)မျိုး၊ ရှမ်းမျိုးနွယ်စု (၅)မျိုးနှင့် ဗမာတိုင်းရင်းသားတို့ အချင်းချင်း စည်းစည်း လုံးလုံးဖြင့် ပူးပေါင်းဆောင်ရွက်ကြရန်လိုအပ်ပါကြောင်း၊ မိမိတို့ တိုင်းပြည်စီးပွားရေး ဖွံ့ဖြိုးတိုးတက်ရေးအတွက်လည်း ကြိုးပမ်းဆောင်ရွက်သွားကြရမည်ဖြစ်ပါကြောင်း၊ ယနေ့ တိုင်းရင်းသားခေါင်းဆောင်များအနေဖြင့် မိမိတို့လိုအပ်ချက်များကို ပွင့်ပွင့်လင်းလင်း ဆွေးနွေးတင်ပြကြစေလိုပါကြောင်း ပြောကြားခဲ့ပါသည်။ ထို့နောက် ပြည်နယ်ဝန်ကြီးချုပ် ဦးခက်ထိန်နန်က မိမိတို့တိုင်းရင်းသားအဖွဲ့များ အချင်းချင်းစည်းလုံးညီညွတ်ပြီး ပြည်နယ်ဘက်စုံဖွံ့ဖြိုးတိုးတက်ရေးအတွက် ဝိုင်းဝန်းပူးပေါင်း ကြိုးစားကြရန်လိုအပ်ပါကြောင်း တိုက်တွန်းမှာကြားပြီး ဒုတိယဝန်ကြီး ဦးဇော်အေးမောင်က နှုတ်ခွန်းဆက်အမှာစကား ပြောကြားပါသည်။ ယင်းနောက် ပြည်ထောင်စုဝန်ကြီး၊ ပြည်နယ်ဝန်ကြီးချုပ်၊ ဒုတိယဝန်ကြီးနှင့် ပြည်နယ် အစိုးရအဖွဲ့ဝင် တိုင်းရင်းသားရေးရာဝန်ကြီးတို့က ပြည်နယ်အတွင်းရှိ တိုင်းရင်းသားစာပေနှင့် ယဉ်ကျေးမှုအဖွဲ့များဖြစ်သည့် ကချင်မျိုးနွယ်စု (၆)မျိုး၊ ရှမ်းမျိုးနွယ်စု (၅)မျိုးနှင့် ဗမာ တိုင်းရင်းသားမျိုးနွယ်စု ခေါင်းဆောင်များထံ ထောက်ပံ့ငွေကျပ် (၃)သိန်းစီဖြင့် စုစုပေါင်း ထောက်ပံ့ငွေကျပ် (၃၆)သိန်းကို ထောက်ပံ့ပေးအပ်ကြရာ ကချင်တိုင်းရင်းသားမျိုးနွယ်စုများ ကိုယ်စား ကချင်လူမျိုးရိုးရာယဉ်ကျေးမှုအသင်း ဥက္ကဋ္ဌ ဦးလနူးကလည်းကောင်း၊ ရှမ်း မျိုးနွယ်စုများကိုယ်စား ရှမ်းစာပေနှင့်ယဉ်ကျေးမှဒအသင်း ဦးစောနွဲ့ကြံအောင်က လည်းကောင်း၊ ဗမာတိုင်းရင်းသားစာပေနှင့်ယဉ်ကျေးမှုကော်မတီ အတွင်းရေးမှူး ဦးဝင်းကြည်က လည်းကောင်း ကျေးဇူးတင်စကားနှင့် အသင်း၊ အဖွဲ့များအတွက် လိုအပ်ချက်များကို ဆွေးနွေး တင်ပြကြပါသည်။ ထို့နောက် ပြည်ထောင်စုဝန်ကြီး ဦးစောထွန်းအောင်မြင့်က နိဂုံးချုပ်အမှာစကား ပြောကြားပြီး တိုင်းရင်းသားစာပေနှင့်ယဉ်ကျေးမှုအသင်းအဖွဲ့များနှင့်အတူ မနော်အိမ်ရှေ့၌ စုပေါင်းမှတ်တမ်းတင်ဓါတ်ပုံရိုက်ကူးကြကြောင်း သိရှိရပါသည်။

• 08 January 2023

 တိုင်းဒေသကြီး/ ပြည်နယ် တိုင်းရင်းသားရေးရာဝန်ကြီးများနှင့် တွေ့ဆုံပွဲအခမ်းအနားကို ဇန်နဝါရီ(၅)ရက်နေ့၊ နံနက်ပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ အစည်းအဝေး ခန်းမ၌ ကျင်းပပြုလုပ်ရာ ပြည်ထောင်စုဝန်ကြီး ဦးစောထွန်းအောင်မြင့်၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်၊ တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်၊ တိုင်းဒေသကြီး/ ပြည်နယ်များမှ တိုင်းရင်းသားရေးရာဝန်ကြီးများ၊ တိုင်းရင်းသားလူမျိုးများရေးရာဝန်ကြီးဌာနမှ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် အရာထမ်းများ တက်ရောက်ခဲ့ကြပါသည်။ ရှေးဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် တိုင်းရင်းသား ရေးရာဝန်ကြီးများအနေဖြင့် မိမိတို့၏အဓိက လုပ်ငန်းတာဝန်များအပြင် မြန်မာ့ပထဝီနိုင်ငံရေး နှင့် ကမ္ဘာ့ပထဝီနိုင်ငံရေးအကြောင်းတို့ကို ဆက်စပ်လေ့လာသိရှိထားရန် အရေးကြီးပါကြောင်း၊ ဖွဲ့စည်းပုံအခြေခံဥပဒေပါအတိုင်း တိုင်းရင်းသားစည်းလုံးညီညွတ်မှု ပိုမိုရရှိရေးနှင့် ငြိမ်းချမ်းရေး အတွက် မိမိတို့ဝန်ကြီးဌာနတွင်လည်း တာဝန်ရှိပါကြောင်း၊ တိုင်းရင်းသား စာပေသင်ကြားရေး ကိစ္စ၊ တိုင်းရင်းသားအခွင့်အရေးများကာကွယ်စောင့်ရှောက်ရေးကိစ္စ၊ တိုင်းရင်းသားစည်းလုံး ညီညွတ်ရေးကိစ္စ၊ ငြိမ်းချမ်းရေးကိစ္စ၊ ဖွံ့ဖြိုးတိုးတက်ရေးကိစ္စရပ်များကို ဆွေးနွေးကြရန်ဖြစ်ပါ ကြောင်း၊  မအားလပ်သည့်ကြားမှ မျက်မှောက် ကမ္ဘာ့နိုင်ငံရေးအခြေအနေများကို ဆွေးနွေးရန် တက်ရောက်ပေးပါသော အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စု ဝန်ကြီး ဦးကိုကိုလှိုင်ကို ကျေးဇူးတင်ရှိပါကြောင်း ပြောကြားပါသည်။ ထို့နောက် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်က International Affairs Update News ခေါင်းစဉ်ဖြင့် မျက်မှောက် ကမ္ဘာ့နိုင်ငံရေး အခြေအနေများကိုလည်းကောင်း၊ ပြည့်အင်အားသည် ပြည်တွင်းမှာသာရှိသည်ဟူသော စကား နှင့်အညီ တိုင်းရင်းသားစည်းလုံးညီညွတ်မှု ပိုမိုအားကောင်းလာစေရန် ဆောင်ရွက်သင့်သည့် အချက်များကိုလည်းကောင်း ဟောပြောဆွေးနွေးခဲ့ပါသည်။  ဆက်လက်၍ တိုင်းဒေသကြီး/ ပြည်နယ်များမှ တိုင်းရင်းသားရေးရာဝန်ကြီးများက မိမိတို့ ဆောင်ရွက်နေသည့်လုပ်ငန်းများနှင့်ပတ်သက်၍ ဆွေးနွေးတင်ပြကြပြီး သိရှိလိုသည်များကို မေးမြန်းကြရာ ပြည်ထောင်စုဝန်ကြီးနှင့် ဒုတိယဝန်ကြီးတို့မှ ဖြေကြား၍ ပေါင်းစပ်ညှိနှိုင်း ပေးခဲ့ကြပါသည်။ ၎င်းနောက် ဒုတိယဝန်ကြီး ဦးဇော်အေးမောင်က ဆွေးနွေးပြောကြားရာတွင် အပြည်ပြည် ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်၏ ဟောပြော ချက်နှင့် ယခုဆွေးနွေးချက်များသည် တိုင်းရင်းသားရေးရာဝန်ကြီးများအတွက်  အကျိုးသက် ရောက်မှုရှိမည်ဟုမျှော်လင့်ပါကြောင်း၊ ဆွေးနွေးချက်များအပေါ် တိုင်းရင်းသားစည်းလုံး  ညီညွတ်ရေးကို ပိုမိုတိုးမြှင့်ဆောင်ရွက်ရန်၊ ပြည်ပအကြမ်းဖက်အဖွဲ့အစည်းများ၊ ယင်းအဖွဲ့ အစည်းများနှင့်ပတ်သက်သူများကို လေ့လာစုံစမ်းပြီး တိုင်းဒေသကြီး/ ပြည်နယ်အစိုးရအဖွဲ့ များနှင့် ပူးပေါင်းတားဆီးရန်၊  Teaching Assistance (TA)နှင့် Language Teacher (LT)ဆရာ/ ဆရာမများခန့်ထားမှုနှင့်ပတ်သက်၍ SOP (Standard Operating Procedure) စံသတ်မှတ် ချက်လုပ်ထုံး/နည်းများ အသစ်ရေးဆွဲရန် စသည့်ဆုံးဖြတ်ချက်များကို ချမှတ်နိုင်ခဲ့ပါကြောင်း၊ ယခုကျင်းပသည့် တွေ့ဆုံပွဲသို့ တက်ရောက်၍ ဆွေးနွေးခဲ့ကြသည့် တိုင်းဒေသကြီး/ ပြည်နယ် များမှ တိုင်းရင်းသားရေးရာဝန်ကြီးများအား ကျေးဇူးတင်ရှိပါကြောင်း ပြောကြားပါသည်။ ယင်းနောက် ပြည်ထောင်စုဝန်ကြီး ဦးစောထွန်းအောင်မြင့်က တိုင်းရင်းသားရေးရာ ဝန်ကြီးများသည် မြန်မာ့ပထဝီနိုင်ငံရေးနှင့် ကမ္ဘာ့ပထဝီနိုင်ငံရေးအကြောင်းတို့ကို ဆက်စပ် လေ့လာသိရှိထားရန် အရေးကြီးပါကြောင်း၊ တိုင်းရင်းသားရေးရာဝန်ကြီးများ၏ တင်ပြချက်များ အရ တိုင်းရင်းသားဆရာ၊ ဆရာမများသည် ပညာရေးကဏ္ဍ၌ တာဝန်ကျေပွန်စွာ လုပ်ဆောင်ကြကြောင်း သိရှိရ၍ ဝမ်းသာရပါကြောင်း၊ ၇၅ နှစ်မြောက် စိန်ရတုလွတ်လပ်ရေးနေ့ အခမ်းအနားသို့လာရောက်၍ အင်တိုက်အားတိုက်ပါဝင်ခဲ့ကြသဖြင့် နှစ်ထောင်းအားရ ဖြစ်မိ သကဲ့သို့ မအားလပ်သည့်ကြားမှပင် တက်ရောက်ဆွေးနွေးပေးခဲ့ကြသဖြင့် ဝမ်းမြောက်ဝမ်းသာ ဖြစ်ရပါကြောင်း၊ စုပေါင်းညီညာခြင်းဖြင့် အရွေ့တစ်ခုသို့ရောက်ရှိမည်ဖြစ်ပါကြောင်း၊ ပြည်တွင်း အင်အားသည် ပြည်တွင်းမှာသာရှိပါကြောင်း၊ ထို့ကြောင့် တိုင်းရင်းသား စာပေနှင့် ယဉ်ကျေးမှု ဖွံ့ဖြိုးတိုးတက်ရေး၊ တိုင်းရင်းသားအခွင့်အရေးများကာကွယ်စောင့်ရှောက်ရေး၊ တိုင်းရင်းသား စည်းလုံးညီညွတ်ရေး၊ ငြိမ်းချမ်းရေးနှင့် ဖွံ့ဖြိုးတိုးတက်ရေးဆိုင်ရာကိစ္စရပ်များကို တိုးမြှင့် ဆောင်ရွက်ကြစေလိုပါကြောင်း၊ “ရည်မှန်းချက်ပန်းတိုင်ရောက်ဖို့ ရှေ့သို့လုပ်ဆောင်ကြစို့” Keep Moving Forward to Achieve Our Goal ဆိုသည့်အတိုင်း အလုပ်ကို ရှေ့တိုးလုပ်ဆောင်ကြရန် လိုအပ်ပါကြောင်း နိဂုံးချုပ်အမှာစကား ပြောကြားပြီးနောက် ဒုတိယဝန်ကြီး၊ တိုင်းဒေသကြီး/ ပြည်နယ်များမှ တိုင်းရင်းသားရေးရာဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ နှင့် တာဝန်ရှိသူများနှင့်အတူ စုပေါင်းမှတ်တမ်းတင်ဓာတ်ပုံရိုက်ကူးကာ အခမ်းအနားကို ရုပ်သိမ်း ခဲ့ကြောင်းသိရှိရပါသည်။

• 07 January 2023
• နေပြည်တော်

 (၇၅)နှစ်မြောက် စိန်ရတု လွတ်လပ်ရေးနေ့အခမ်းအနားအတွက် ဂုဏ်ပြုစစ်ရေးပြ အစီအစဉ်၊ ဂုဏ်ပြုယာဉ်အစီအစဉ်နှင့် ဝန်ကြီးဌာနကိုယ်စားပြုပြခန်း ခင်းကျင်းပြသရေး အစီအစဉ်နှင့် တိုင်းရင်းသားရိုးရာအက ဖျော်ဖြေရေးအစီအစဉ်တို့တွင် ပါဝင်ခဲ့ကြသော အရာထမ်း၊ အမှုထမ်းများအား ဂုဏ်ပြုပွဲအခမ်းအနားကို ဇန်နဝါရီ  ၇ ရက်နေ့၊ နံနက်ပိုင်းတွင် တိုင်းရင်းသားလူမျိုးများရေးရာဝန်ကြီးဌာန အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုဝန်ကြီး ဦးစောထွန်းအောင်မြင့်၊ ဒုတိယဝန်ကြီး ဦးဇော်အေးမောင်၊ အမြဲတမ်း အတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ် များနှင့် အရာထမ်း၊ အမှုထမ်းများ  တက်ရောက်ခဲ့ကြပါသည်။  ဦးစွာ ပြည်ထောင်စုဝန်ကြီးက ဂုဏ်ပြုအမှာစကားပြောကြားရာတွင် (၇၅) နှစ်မြောက် စိန်ရတုလွတ်လပ်ရေးနေ့အခမ်းအနား၌ ဂုဏ်ပြုစစ်ရေးပြအစီအစဉ်၊ ဂုဏ်ပြုယာဉ်အစီအစဉ်နှင့် ဝန်ကြီးဌာနကိုယ်စားပြုပြခန်း ခင်းကျင်းပြသရေးအစီအစဉ်နှင့် တိုင်းရင်းသားရိုးရာအက ဖျော်ဖြေရေးအစီအစဉ်တို့တွင် အောင်မြင်စွာပါဝင်ဆောင်ရွက်ခဲ့ကြသော အရာထမ်း၊ အမှုထမ်း များအားလုံး၊ ပံ့ပိုးကူညီခဲ့ကြသောအုပ်ချုပ်မှုအဖွဲ့နှင့် အထောက်အကူပြု အရံအဖွဲ့များအားလုံးကို ဂုဏ်ပြုသည့်အနေဖြင့် ယနေ့အခမ်းအနားကို ကျင်းပရခြင်းဖြစ်ပါကြောင်း၊ ယခုကဲ့သို့ အောင်မြင်မှုရရှိခြင်းသည် ဝန်ကြီးဌာန၏စည်းစည်းလုံးလုံး ပါဝင်ဆောင်ရွက်ခဲ့မှုကြောင့် ဖြစ်ပါ ကြောင်း၊ တိုင်းရင်းသားလူမျိုးများရေးရာဝန်ကြီးဌာန၏ ဝန်ထမ်းများဖြစ်သည်နှင့်အညီ ပြည်ထောင်စုစိတ်ဓာတ်ဖြင့် နိုင်ငံတော်ကောင်းကျိုး၊ ပြည်သူ ပြည်သားကောင်းကျိုးအတွက် ကြိုးပမ်းဆောင်ရွက်ကြရမည်ဖြစ်ပါကြောင်း၊  နိုင်ငံတော် စီမံအုပ်ချုပ်ရေးကောင်စီက ဒို့တာဝန် အရေး(၃)ပါး၊ ရှေ့လုပ်ငန်းစဉ်(၅)ရပ်၊ ဦးတည်ချက် (၉)ရပ်တို့ကို အလေးထား  ဆောင်ရွက် နေသကဲ့သို့ မိမိတို့ဝန်ထမ်းများကလည်း လိုက်နာ ဆောင်ရွက်ကြရမည်ဖြစ်ပါကြောင်း၊ ဝန်ထမ်းများ၏ စွမ်းဆောင်ရည်မြှင့်တင်ရေးအတွက် သင်တန်းများလည်း ဖွင့်လှစ်ပေးလျက်ရှိ ပါကြောင်း၊ မိမိတို့ကိုယ်တိုင်လည်း ကြိုးစားကြရမည်ဖြစ်ပါကြောင်း၊ “Unity is Strength” “စည်းလုံးခြင်းသည်အင်အား” ဆိုသည့်စကားအတိုင်း တိုင်းရင်းသားစည်းလုံးညီညွတ်ရေးနှင့် ငြိမ်းချမ်းရေးအတွက် ဝိုင်းဝန်းကြိုးပမ်း ဆောင်ရွက်ကြရမည်ဖြစ်ပါကြောင်း ပြောကြားပါသည်။  ယင်းနောက် (၇၅)နှစ်မြောက် စိန်ရတုလွတ်လပ်ရေးနေ့အခမ်းအနားတွင်ပါဝင်၍ ဆုရရှိခဲ့သည့် ဂုဏ်ပြုယာဉ်အထူးဆုဖလားနှင့် ဂုဏ်ပြုဆုငွေကို ပြည်ထောင်စုဝန်ကြီးအား ဒုတိယဝန်ကြီး၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များက အပ်နှင်းပါသည်။  ထို့နောက် ပြည်ထောင်စုဝန်ကြီးက (၇၅)နှစ်မြောက် စိန်ရတုလွတ်လပ်ရေးနေ့ အခမ်းအနား ဂုဏ်ပြုစစ်ရေးပြအစီအစဉ်တွင် ပါဝင်ခဲ့ကြသူများကိုယ်စား ပြည်ထောင်စု ဝန်ကြီးရုံးမှ အမြဲတမ်းအတွင်းဝန်အားလည်းကောင်း၊ ဒုတိယဝန်ကြီးက ဂုဏ်ပြုယာဉ်အစီအစဉ် တွင်ပါဝင်ခဲ့ကြသူများကိုယ်စား တိုင်းရင်းသားစာပေနှင့် ယဉ်ကျေးမှုဦးစီးဌာနမှ ညွှန်ကြားရေး မှူးချုပ်အားလည်းကောင်း၊ တိုင်းရင်းသားလူမျိုးများရေးရာဝန်ကြီးဌာန ကိုယ်စားပြုပြခန်း ခင်းကျင်းပြသရေးအစီအစဉ်တွင် ပါဝင်ခဲ့ကြသူများကိုယ်စား တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာနမှ ညွှန်ကြားရေးမှူးချုပ်အားလည်းကောင်း ဂုဏ်ပြု မှတ်တမ်းလွှာများနှင့် ထောက်ပံ့ငွေများကို ပေးအပ်ပါသည်။  ၎င်းနောက် ဒုတိယဝန်ကြီးက ကျေးဇူးတင်အမှာစကားပြောကြားရာတွင် (၇၅)နှစ်မြောက် စိန်ရတုလွတ်လပ်ရေးနေ့အခမ်းအနားတွင် ကြုံတောင့်ကြုံခဲ အောင်မြင်စွာပါဝင်နိုင်ခဲ့သည့် အတွက် ဝမ်းမြောက်ဂုဏ်ယူပါကြောင်း၊ နောက်နောင် ယခုကဲ့သို့ပွဲများတွင်လည်း စည်းလုံး ညီညွတ်စွာဖြင့် ပါဝင်ဆောင်ရွက်ကြစေလိုပါကြောင်း၊ ဝန်ထမ်းများအနေဖြင့် မိမိတို့၏ စွမ်းဆောင်ရည်မြင့်မားစေရေးအတွက် ယခုထက်မက တိုးမြှင့်ကြိုးစားကြစေလိုပါကြောင်း၊ သို့မှသာဝန်ကြီးဌာန၏ အခန်းကဏ္ဍမြင့်မားလာမည်ဖြစ်ပြီး နိုင်ငံတော်ဖွံ့ဖြိုးတိုးတက်ရေး အတွက် ပံ့ပိုးဆောင်ရွက်နိုင်မည်ဖြစ်ပါကြောင်း ပြောကြားပါသည်။  ထို့နောက် ဝန်ထမ်းများအား ဂုဏ်ပြုနေ့လည်စာဖြင့် တည်ခင်းဧည့်ခံ၍ တိုင်းရင်းသား ရိုးရာ အကအလှများ၊ တေးသံသာများဖြင့် ဖျော်ဖြေကာ အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။  

• 05 January 2023
• နေပြည်တော်

 တိုင်းရင်းသားလူမျိုးများရေးရာဝန်ကြီးဌာန၊ ဝန်ထမ်းစွမ်းဆောင်ရည်မြှင့်တင်ရေး (အရာထမ်း) သင်တန်း၊ သင်တန်းဆင်းပွဲအခမ်းအနားကို ဇန်နဝါရီလ ၅ ရက်နေ့၊ နေ့လယ်ပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီးရုံး၊ အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုဝန်ကြီး ဦးစောထွန်းအောင်မြင့်၊ ဒုတိယဝန်ကြီး ဦးဇော်အေးမောင်၊ အမြဲတမ်း အတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များ၊ သင်တန်းသား၊ သင်တန်းသူများနှင့် တာဝန်ရှိသူများ တက်ရောက်ခဲ့ကြပြီး တိုင်းဒေသကြီး/ ပြည်နယ် ညွှန်ကြားရေးမှူးရုံးများနှင့် ပြည်ထောင်စု တိုင်းရင်းသားကျေးရွာ (ရန်ကုန်) မှ သင်တန်းသား၊ သင်တန်းသူများက  Online စနစ်ဖြင့် တက်ရောက်ခဲ့ကြပါသည်။  ရှေးဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် ဝန်ထမ်း စွမ်းဆောင်ရည်မြှင့်တင်ရေး (အရာထမ်း) သင်တန်းကို နိုင်ငံတော်စီမံအုပ်ချုပ်ရေးကောင်စီ၏ လမ်းညွှန်ချက်နှင့်အညီ နိုင်ငံ့ဝန်ထမ်းများ စွမ်းဆောင်ရည်မြှင့်တင်ရေး၊ လူ့စွမ်းအားအရင်း အမြစ်များ လေ့ကျင့်ပျိုးထောင်ပေးရေးတို့အတွက် ဖွင့်လှစ်ပေးရခြင်းဖြစ်ပါကြောင်း၊ သင်တန်းသား/ သင်တန်းသူများအနေဖြင့် “Never too late to learn” ဆိုသည့်စကားအတိုင်း စဉ်ဆက်မပြတ် ဆက်လက်လေ့လာဆည်းပူးကြရန် လိုအပ်ပါကြောင်း၊ သို့မှသာ လက်တွေ့ လုပ်ငန်းများ ဆောင်ရွက်ရာတွင် ဝန်ကြီးဌာန၏အောင်မြင်မှုကို  အထောက်အကူပြုစေမည်ဖြစ်ပါ ကြောင်း၊ ဝန်ထမ်းများအနေဖြင့် အရည်အချင်းရှိရန်လိုအပ်ပြီး ကြိုးစားလျှင်ကြိုးစားသကဲ့သို့ အခွင့်အရေးရရှိမည်ဖြစ်ပါကြောင်း၊ ဝန်ကြီးဌာန၏ စည်းမျဉ်း စည်းကမ်းများ၊ အမိန့် ညွှန်ကြားချက်များကိုလည်း သိရှိရန်လိုအပ်သကဲ့သို့ လိုက်နာဆောင်ရွက်ကြရန်နှင့် လုပ်ငန်းများ ဆောင်ရွက်ရာတွင်လည်း စေတနာထား ဆောင်ရွက်ရန်ကြလိုအပ်ပါကြောင်း၊ မိမိတို့ဌာနသည် တိုင်းရင်းသားလူမျိုးများရေးရာဝန်ကြီးဌာနဖြစ်သဖြင့် တိုင်းရင်းသားစည်းလုံးညီညွတ်ရေးနှင့် ငြိမ်းချမ်းရေးအတွက် ဝိုင်းဝန်းကြိုးပမ်းဆောင်ရွက်ကြရမည်ဖြစ်ပါကြောင်း၊ (၇၅) နှစ်မြောက် စိန်ရတုလွတ်လပ်ရေးနေ့ကို ကျင်းပခဲ့ပြီးဖြစ်ရာ (၇၅)နှစ်မှသည် နှစ် ရာ၊ ထောင်မက ကမ္ဘာတည် သရွေ့ နိုင်ငံတော်ကြီးဝင့်ကြွားစွာ ထာဝရတည်တံ့နေရန် “ရှေ့သို့ချီမည် ပန်းတိုင်ဆီ” (Keep Moving Forward to Achieve Our Goal)ဆိုသည့် ဆောင်ပုဒ်နှင့်အညီ အားလုံးဝိုင်းဝန်း ကြိုးစား လုပ်ဆောင်သွားကြစေလိုပါကြောင်း ပြောကြားပါသည်။  ဆက်လက်၍ ဒုတိယဝန်ကြီး ဦးဇော်အေးမောင်က ယခုဖွင့်လှစ်ခဲ့သည့်သင်တန်းသည် ဝန်ထမ်းများ၏ စွမ်းဆောင်ရည်မြှင့်တင်နိုင်ရေး (Capacity Building) အတွက် ဆရာကိုဗဟိုပြု သော သင်ကြားမှုစနစ်ကိုမကျင့်သုံးဘဲ သင်ယူသူဗဟိုပြုသော သင်ကြားမှုစနစ်ဖြင့် ဆရာနှင့် သင်တန်းသားများ အပြန်အလှန်ဆွေးနွေး သင်ကြားပေးခဲ့ခြင်းဖြစ်ပါကြောင်း၊ သင်တန်းသူ သင်တန်းသားများအနေဖြင့်လည်း မိမိတို့၏ အတွေးအခေါ် အယူအဆများကို ဆွေးနွေးခွင့်ရရှိခဲ့ ကြပါကြောင်း၊ ရုပ်ပိုင်းဆိုင်ရာကြံ့ခိုင်ခြင်း၊ စိတ်ပိုင်းဆိုင်ရာကြံ့ခိုင်ခြင်း၊ ဗဟုသုတကြွယ်ဝခြင်း၊ ထက်မြက်မှုရှိခြင်းတို့ရရှိစေရန် မိမိကိုယ်ကို လေ့ကျင့်ပျိုးထောင်ကြရမည်ဖြစ်ပါကြောင်း၊ ထို့အပြင် မိမိ၏မိသားစု၊ လုပ်ငန်းခွင်မှသည် နိုင်ငံတော်ကြီးငြိမ်းချမ်းသာယာရေးအတွက် တတ်နိုင်သည့်ဘက်မှ ပံ့ပိုးကူညီကြရမည်ဖြစ်ပါကြောင်း၊  ကာယဗလ၊ ဥာဏဗလ၊ စာရိတ္တဗလ၊ မိတ္တဗလ၊ ဘောဂဗလ ဟူသည့် ဗလ ငါးတန်နှင့်ပြည့်စုံအောင် တည်ဆောက်ကြရမည် ဖြစ်ပါ ကြောင်း ပြောကြားပါသည်။  ၎င်းနောက် ပြည်ထောင်စုဝန်ကြီးနှင့် ဒုတိယဝန်ကြီးတို့က သင်တန်းဆင်းလက်မှတ်များ ကို ပေးအပ်ခဲ့ရာ သင်တန်းသား သင်တန်းသူများကိုယ်စား သင်တန်းသား (၁) ဦးနှင့် သင်တန်းသူ (၂) ဦးတို့က လက်ခံရယူခဲ့ကြပြီး အခမ်းအနားကို ရုပ်သိမ်းခဲ့ပါသည်။   ယခုဖွင့်လှစ်ခဲ့သည့်သင်တန်းသို့ သင်တန်းသား သင်တန်းသူ (၃၂) ဦး တက်ရောက်ခဲ့ ကြပြီး သင်တန်းကာလမှာ (၁)လ ကြာမြင့်ခဲ့ကြောင်း သတင်းရရှိပါသည်။  

• 24 December 2022
• ပဲခူး

တိုင်းရင်းသားစာပေနှင့်ယဉ်ကျေးမှုအဖွဲ့များသည် ပါတီစွဲ၊ ပုဂ္ဂိုလ်စွဲမထားဘဲ အရောင် အသွေးကင်းပြီး မိမိတို့လူမျိုးအဓွန့်ရှည်တည်တံ့စေရန် အကျိုးဆောင်ပေးရသည့်အဖွဲ့ ဖြစ်ပါကြောင်း၊ နိုင်ငံတော်ကဆောင်ရွက်နေသည့် “ပန်းခင်းစီမံချက်” နိုင်ငံသား စိစစ်ရေးကတ်နှင့်အိမ်ထောင်စုဇယားပြုလုပ်ခြင်းလုပ်ငန်းသည် ပါတီစုံဒီမိုကရေစီအထွေထွေ ရွေးကောက်ပွဲအတွက် လွန်စွာအရေးကြီးသဖြင့် တိုင်းရင်းသားများအားလုံး ပူးပေါင်း ပါဝင်ဆောင်ရွက်ကြရမည်ဖြစ်ပါကြောင်း၊ လူငယ်များသည် နိုင်ငံတော်၏ အနာဂတ် ခေါင်းဆောင်များဖြစ်ကြသည့်အတွက် ပညာရေးကို ဦးစားပေးကြရမည်ဖြစ်ပါကြောင်း၊ ပညာရည်မြှင့်မားမှ လူမှုဘဝတိုးတက်မြင့်မားမည်ဖြစ်ပါကြောင်း တိုင်းရင်းသားလူမျိုးများ ရေးရာဝန်ကြီးဌာန၊ ပြည်ထောင်စုဝန်ကြီး ဦးစောထွန်းအောင်မြင့်နှင့် ပဲခူးတိုင်းဒေသကြီး အတွင်းရှိ တိုင်းရင်းသားစာပေနှင့်ယဉ်ကျေးမှုအဖွဲ့များနှင့် တွေ့ဆုံဆွေးနွေးပွဲ အခမ်းအနားတွင် အထက်ပါအတိုင်း ပြောကြားခဲ့ပါသည်။ ထိုအခမ်းအနားကို ယနေ့နံနက် (၁၁:၀၀) နာရီတွင် တိုင်းရင်းသားလူမျိုးများရေးရာဝန်ကြီးဌာန၊ ပဲခူးတိုင်းဒေသကြီး ညွှန်ကြားရေးမှူးရုံး အစည်းအဝေးခန်းမတွင် ကျင်းပပြုလုပ်ရာ ဒုတိယဝန်ကြီး ဦးဇော်အေးမောင်၊ ပဲခူးတိုင်းဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောလင်းအောင်၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်နှင့် တာဝန်ရှိသူများ၊ တိုင်းရင်းသားစာပေနှင့်ယဉ်ကျေးမှုအဖွဲ့များ တက်ရောက်ကြပါသည်။  ဆက်လက်ပြီး ပြည်ထောင်စုဝန်ကြီး ဦးစောထွန်းအောင်မြင့်က အမှာစကား ပြောကြားရာတွင် မိမိတို့ဝန်ကြီးဌာနသည် တိုင်းရင်းသားအရေးကိစ္စရပ်များကို ဆောင်ရွက် ရသည့်ဌာနဖြစ်သည့်အတွက် လုပ်ငန်းများလျင်မြန်မှန်ကန်စွာဆောင်ရွက်နိုင်ရန် တိုင်းဒေသကြီး/ ပြည်နယ် တိုင်းရင်းသားရေးရာဝန်ကြီးများအား တာဝန်ခွဲဝေအပ်နှင်းထားပြီးဖြစ်ပါကြောင်း၊ တိုင်းရင်းသားဒေသများတွင် စီမံကိန်းများအကောင်အထည်ဖော်ဆောင်ရွက်ရာ၌ တိုင်းရင်းသား များ၏အခွင့်အရေးများ နစ်နာဆုံးရှုံးမှုမရှိစေရန်အတွက် မြေလွတ်၊ မြေလတ်၊ မြေရိုင်းများ စီမံခန့်ခွဲမှုနှင့်ပတ်သက်ပြီး မိမိတို့ ဝန်ကြီးဌာနက မြေပြင်ကွင်းဆင်းစစ်ဆေး ဆောင်ရွက် ပေးလျက်ရှိပါကြောင်း၊ တိုင်းရင်းသားဘာသာသင် (Teaching Assitant – TA နှင့် Language Teacher – LT) များပိုမိုခန့်ထားနိုင်ရေးအတွက် ပညာရေးဝန်ကြီးဌာနနှင့် ညှိနှိုင်းဆောင်ရွက် လျက်ရှိပါကြောင်း၊ တစ်ဖက်တွင်လည်း တိုင်းရင်းသားစည်းလုံးညီညွတ်ရေးနှင့် တိုင်းပြည် ငြိမ်းချမ်းရေးရရှိအောင် ကြိုးစားဆောင်ရွက်လျက်ရှိပါကြောင်း၊ တိုင်းဒေသကြီး/ပြည်နယ် အသီးသီးတွင်ရှိသည့် ဖွံ့ဖြိုးတိုးတက်မှုနည်းပါးသည့် တိုင်းရင်းသားလူမျိုးများနှင့် ၎င်းတို့၏ ဒေသများတွင် ပညာရေး၊ ကျန်းမာရေး၊ လူမှုရေး၊ စီးပွားရေးနှင့် လမ်းပန်း ဆက်သွယ်ရေးစသည့် ကဏ္ဍစုံဖွံ့ဖြိုးတိုးတက်လာစေရေးအတွက် သက်ဆိုင်ရာဝန်ကြီးဌာနများ၊ တိုင်းဒေသကြီး/ပြည်နယ် အစိုးရအဖွဲ့များနှင့် ညှိနှိုင်းပူးပေါင်းဆောင်ရွက်လျက်ရှိပါကြောင်း၊ တိုင်းပြည်ဖွံ့ဖြိုးတိုးတက်ရေးအတွက် တိုင်းရင်းသားစည်းလုံးညီညွတ်ရေးနှင့်ငြိမ်းချမ်းရေးသည် လွန်စွာအရေးကြီးသဖြင့် တိုင်းရင်းသားများအားလုံး ပူးပေါင်းပါဝင်ဆောင်ရွက်ကြရမည် ဖြစ်ပါကြောင်း ပြောကြားခဲ့ပါသည်။  ဆက်လက်ပြီး ဒုတိယဝန်ကြီး ဦးဇော်အေးမောင်က ကမ္ဘာ့နိုင်ငံရေးနှင့် မြန်မာ့နိုင်ငံရေး သမိုင်းကြောင်းများကိုပြောကြားခဲ့ပြီး ဆက်လက်၍ ပြည်ထောင်စုမပြိုကွဲရေးသည် လွန်စွာ အရေးကြီးပါကြောင်း၊ တိုင်းရင်းသားစည်းလုံးညီညွတ်ရေးအတွက် တိုင်းရင်းသားများအားလုံး ဝိုင်းဝန်းကြိုးပမ်းကြရမည်ဖြစ်ပါကြောင်း၊ ဖွဲ့စည်းပုံအခြေခံဥပဒေပါ မိမိတို့၏အခွင့်အရေးများ နစ်နာဆုံးဆုံးမှုမရှိစေရေးအတွက် တိုင်းရင်းသားအခွင့်အရေးများကာကွယ်စောင့်ရှောက်သည့် ဥပဒေ၊ နည်းဥပဒေများကို ပြဌာန်းပြီးဖြစ်ပါကြောင်း၊ ထိုဥပဒေ၊ နည်းဥပဒေများကို ကောင်းမွန်စွာသိရှိနိုင်ရေးလေ့လာကြရန်လိုအပ်ပါကြောင်း၊ တိုင်းရင်းသားများ၏ နေ့ထူး နေ့မြတ်အခမ်းအနားများ၊ ဆွေးနွေးပွဲများကို မိမိတို့ တိုင်းရင်းသားလူမျိုးများရေးရာဝန်ကြီး ဌာန၊ တိုင်းဒေသကြီး ညွှန်ကြားရေးမှူးရုံးတွင် အချိန်မရွေး လွတ်လပ်စွာ လာရောက်ကျင်းပ နိုင်ပါကြောင်း၊ တိုင်းရင်းသားအချင်းချင်း ဗြဟ္မစိုရ်တရားလေးပါးကို လက်ကိုင်ထားပြီး အေးချမ်းစွာအတူတကွနေထိုင်ကြရမည်ဖြစ်ပါကြောင်း၊ တိုင်းပြည် အေးချမ်းအောင်နှင့် မိမိတို့နိုင်ငံ၏ အမျိုးသားအကျိုးစီးပွားတိုးတက်ရန် အားလုံးဝိုင်းဝန်းဆောင်ရွက်ကြရမည် ဖြစ်ပါကြောင်း ပြောကြားခဲ့ပါသည်။  ၎င်းနောက် ပြည်ထောင်စုဝန်ကြီးနှင့် ဒုတိယဝန်ကြီးတို့က တွေ့ဆုံပွဲသို့ တက်ရောက် လာကြသည့် ကရင်၊ မွန်၊ ရခိုင်၊ ရှမ်းနှင့် ပအိုဝ်း တိုင်းရင်းသားစာပေနှင့်ယဉ်ကျေးမှု အဖွဲ့များအား တိုင်းရင်းသားအရေးကိစ္စရပ်များ ပိုမိုမြှင့်တင်ဆောင်ရွက်နိုင်ရန်အတွက် ထောက်ပံ့ငွေများပေးအပ်ကာ တွေ့ဆုံပွဲအခမ်းအနားကိုရုပ်သိမ်းခဲ့ကြောင်း သိရှိရပါသည်။